|
||||
|
| |||||||||
Uimhir 30 de 2019 | |||||||||
Acht na gCúirteanna, 2019 | |||||||||
[An tiontú oifigiúil] | |||||||||
CLÁR AN ÁBHAIR | |||||||||
Alt | |||||||||
1. Leasú ar alt 1A d’Acht na gCúirteanna (Bunú agus Comhdhéanamh), 1961 | |||||||||
2. Leasú ar Acht na gCúirteanna agus na nOifigeach Cúirte, 1995 | |||||||||
4. Aois scoir breithimh den Chúirt Dúiche ardaithe go 70 bliain d’aois | |||||||||
Na hAchtanna dá dTagraítear | |||||||||
| |||||||||
| |||||||||
Uimhir 30 de 2019 | |||||||||
Acht na gCúirteanna, 2019 | |||||||||
[An tiontú oifigiúil] | |||||||||
Acht do leasú alt 1A d’Acht na gCúirteanna (Bunú agus Comhdhéanamh), 1961 chun líon na ngnáthbhreithiúna sa Chúirt Achomhairc a mhéadú go dtí cúig dhuine dhéag; do leasú Acht na gCúirteanna (Forálacha Forlíontacha), 1961; do leasú Acht na gCúirteanna agus na nOifigeach Cúirte, 1995; do leasú an Achta um Rialáil Seirbhísí Dlí, 2015; agus do dhéanamh socrú i dtaobh nithe gaolmhara. | |||||||||
[23 Iúil 2019] | |||||||||
Achtaítear ag an Oireachtas mar a leanas: | |||||||||
Leasú ar alt 1A d’Acht na gCúirteanna (Bunú agus Comhdhéanamh), 1961 |
1. Leasaítear alt 1A (a cuireadh isteach le halt 6 den Acht um an gCúirt Achomhairc, 2014) d’Acht na gCúirteanna (Bunú agus Comhdhéanamh), 1961 i bhfo-alt (2) tríd an mír seo a leanas a chur in ionad mhír (b): | ||||||||
“(b) líon nach mó ná 15 ghnáthbhreitheamh, a ngairfear ‘Breitheamh den Chúirt Achomhairc’ (‘Judge of the Court of Appeal’) de gach duine díobh.”. | |||||||||
Leasú ar Acht na gCúirteanna agus na nOifigeach Cúirte, 1995 |
2. Leasaítear alt 27 d’Acht na gCúirteanna agus na nOifigeach Cúirte, 1995— | ||||||||
(a) trí fho-ailt (6) agus (7) a scriosadh, agus | |||||||||
(b) tríd an bhfo-alt seo a leanas a chur isteach i ndiaidh fho-alt (11): | |||||||||
“(12) Ní bheidh feidhm ag an alt seo maidir le breithniú costas dlí faoi Chuid 10 den Acht um Rialáil Seirbhísí Dlí, 2015.”. | |||||||||
Leasú ar an Acht um Rialáil Seirbhísí Dlí, 2015 |
3. Leasaítear an tAcht um Rialáil Seirbhísí Dlí, 2015— | ||||||||
(a) in alt 141, tríd an bhfo-alt seo a leanas a chur isteach i ndiaidh fho-alt (5): | |||||||||
“(6) Chun críocha fho-alt (3)(f), ní gá do Chláraitheoir Contae na cúiseanna atá le cinneadh a fhoilsiú i gcás go bhfuil sé nó sí den tuairim nach bhfuil ní lena ngabhann tábhacht dlí i gceist leis an gcánachas lena mbaineann.”, | |||||||||
(b) in alt 154(10)— | |||||||||
(i) i mír (c), trí “breithnithe,” a chur in ionad “breithnithe, agus”, | |||||||||
(ii) i mír (d), trí “iarracht den sórt sin,” a chur in ionad “iarracht den sórt sin.”, agus | |||||||||
(iii) trí na míreanna seo a leanas a chur isteach i ndiaidh mhír (d): | |||||||||
“(e) nós imeachta trína bhféadfaidh páirtí i mbreithniú, iar bhfógra do pháirtí eile— | |||||||||
(i) suim airgid a íoc isteach i gcúirt, nó | |||||||||
(ii) a fhorthairiscint íocaíocht a dhéanamh leis an bpáirtí eile, | |||||||||
mar shásamh ar chostais an pháirtí eile is ábhar don bhreithniú, agus | |||||||||
(f) dliteanas faoi seach na bpáirtithe dá dtagraítear i mír (e) i leith chostais an bhreithnithe, i gcás gurb ionann méid na híocaíochta nó na forthairisceana dá dtagraítear sa mhír sin agus méid na gcostas lena mbaineann, a mbeidh cinnte sa bhreithniú go bhfuil siad le híoc, nó i gcás gur mó ná an méid sin é.”, | |||||||||
(c) in alt 160(2)(a), trí “faoi alt 163” a chur in ionad “faoi alt 166”, agus | |||||||||
(d) in alt 172— | |||||||||
(i) i bhfo-alt (2), tríd an mír seo a leanas a chur isteach i ndiaidh mhír (a): | |||||||||
“(aa) Uachtarán na Cúirte Achomhairc;”, | |||||||||
agus | |||||||||
(ii) tríd an bhfo-alt seo a leanas a chur isteach i ndiaidh fho-alt (6): | |||||||||
“(6A) Ar éag nó scor d’Uachtarán na Cúirte Achomhairc, beidh an gnáthbhreitheamh den Chúirt Achomhairc is sinsearaí a bheidh ar fáil de thuras na huaire ina chomhalta nó ina comhalta den Choiste go dtí go gceapfar Uachtarán ar an gCúirt Achomhairc.”. | |||||||||
Aois scoir breithimh den Chúirt Dúiche ardaithe go 70 bliain d’aois |
4. (1) Leasaítear alt 30(1) d’Acht na gCúirteanna (Forálacha Forlíontacha), 1961 trí “seachtó bliain” a chur in ionad “cúig bliana is seasca ”. | ||||||||
(2) Maidir leis an leasú a dhéantar le fo-alt (1), baineann sé le duine ar breitheamh den Chúirt Dúiche é nó í díreach roimh thosach feidhme an ailt seo agus, baineann sé, go háirithe, le breitheamh den sórt sin ar ina leith a bheidh barántas, arna dhéanamh faoi alt 2 den Acht Cúirteanna Breithiúnais (An Chúirt Dúiche), 1949, ar marthain díreach roimh an tosach feidhme sin (agus is de bhua an leasaithe a dhéantar le fo-alt (1), agus ní ar shlí eile, a leanfaidh an dara breitheamh a luaitear in oifig amhail ar agus ó thosach feidhme an ailt seo). | |||||||||
(3) Maidir leis an tagairt i bhfo-alt (2) do bharántas arna dhéanamh faoi alt 2 den Acht Cúirteanna Breithiúnais (An Chúirt Dúiche), 1949, folaíonn sí tagairt do bharántas arna dhéanamh faoin alt sin 2 sna himthosca a cheadaítear le halt 1 d’Acht na gCúirteanna (Uimh. 2), 1988. | |||||||||
Gearrtheideal agus tosach feidhme |
5.(1) Féadfar Acht na gCúirteanna, 2019, a ghairm den Acht seo. | ||||||||
(2) Tiocfaidh an tAcht seo i ngníomh cibé lá nó laethanta a cheapfaidh an tAire Dlí agus Cirt agus Comhionannais le hordú nó le horduithe i gcoitinne nó faoi threoir aon chríoch nó foráil áirithe agus féadfar laethanta éagsúla a cheapadh amhlaidh chun críoch éagsúil nó le haghaidh forálacha éagsúla. |