Uimhir 30 de 1983

ACHT NA bhFIACLÓIRÍ (LEASÚ), 1983

[An tiontú oifigiúil]

ACHT DO LEASÚ ACHT NA bhFIACLÓIRÍ, 1928 . [10 Samhain, 1983]

ACHTAÍTEAR AG AN OIREACHTAS MAR A LEANAS:

1. —Déantar leis seo téarma oifige chomhaltaí Bhord na bhFiaclóirí a bhí i seilbh oifige mar chomhaltaí den sórt sin ar dháta an Achta seo a rith a fhadú dhá bhliain agus, dá réir sin, leasaítear leis seo alt 4 (1) d'Acht na bhFiaclóirí, 1928 , maidir leis na comhaltaí sin, trí “seacht mbliana” a chur in ionad “cúig mblian”.

2. —(1) Féadfar Acht na bhFiaclóirí (Leasú), 1983 , a ghairm den Acht seo.

(2) Féadfar Achtanna na bhFiaclóirí, 1928 agus 1983, a ghairm d'Acht na bhFiaclóirí, 1928 agus den Acht seo le chéile, agus forléireofar iad le chéile mar aon ní amháin.