An tAcht um an Tríú Leasú is Fiche ar an mBunreacht, 2001

Twenty-third Amendment of the Constitution Act, 2001

AN tACHT UM AN TRÍÚ LEASÚ IS FICHE AR AN mBUNREACHT, 2001

RIAR NA nALT

AN SCEIDEAL

Cuid 1

Cuid 2

AN tACHT UM AN TRÍÚ LEASÚ IS FICHE AR AN mBUNREACHT, 2001

ACHT CHUN AN BUNREACHT A LEASÚ. [27 Márta, 2002]

DE BHRÍ gur cead, de bhua Airteagal 46 den Bhunreacht, foráil ar bith den Bhunreacht a leasú ar an modh a shocraítear leis an Airteagal sin:

AGUS DE BHRÍ go bhfuil beartaithe Airteagal 29 den Bhunreacht a leasú:

ACHTAÍTEAR AG AN OIREACHTAS AR AN ÁBHAR SIN MAR A LEANAS:

Airteagail 29 den Bhunreacht a leasú.

1. —Leasaítear leis seo mar a leanas Airteagal 29 den Bhunreacht:

(a) cuirfear an t-alt a bhfuil an téacs de leagtha amach i gCuid 1 den Sceideal a ghabhann leis an Acht seo isteach i ndiaidh alt 8 den téacs Gaeilge,

(b) cuirfear an t-alt a bhfuil an téacs de leagtha amach i gCuid 2 den Sceideal a ghabhann leis an Acht seo isteach i ndiaidh alt 8 den téacs Sacs-Bhéarla.

Lua.

2. —(1) An Tríú Leasú is Fiche ar an mBunreacht a thabharfar ar an leasú a dhéantar ar an mBunreacht leis an Acht seo.

(2) Féadfar an tAcht um an Tríú Leasú is Fiche ar an mBunreacht, 2001 , a ghairm den Acht seo.