|
|||||
|
[EN] | ||||
| ||||
Uimhir 2 de 2009 | ||||
AN tACHT UM THIONÓNTACHTAÍ CÓNAITHE (LEASÚ) 2009 | ||||
[An tiontú oifigiúil] | ||||
RIAR NA nALT | ||||
Alt | ||||
1 . Mínithe. | ||||
2 . Bailíocht a thabhairt do cheapacháin chuig an gCoiste um Réiteach Díospóidí agus nithe gaolmhara. | ||||
3 . Gearrtheideal agus comhlua. | ||||
An tAcht dá dTagraítear | ||||
| ||||
| ||||
Uimhir 2 de 2009 | ||||
AN tACHT UM THIONÓNTACHTAÍ CÓNAITHE (LEASÚ) 2009 | ||||
[An tiontú oifigiúil] | ||||
ACHT DO MHEAS GUR CEAPADH BAILÍ CEAPADH, NÓ CEAPADH AIRBHEARTAITHE, COMHALTAÍ ÁIRITHE DEN CHOISTE UM RÉITEACH DÍOSPÓIDÍ; DO MHEAS GO bhFUIL AON BHINSE TIONÓNTACHTA ARNA CHOMHDHÉANAMH, NÓ A AIRBHEARTAÍONN A BHEITH COMHDHÉANTA, FAOI ALT 102 DEN ACHT UM THIONÓNTACHTAÍ CÓNAITHE 2004 ARNA CHOMHDHÉANAMH GO BAILÍ; AGUS DO DHÉANAMH SOCRÚ I dTAOBH NITHE A BHAINEANN LEIS AN MÉID SIN. | ||
[28 Eanáir, 2009] |
ACHTAÍTEAR AG AN OIREACHTAS MAR A LEANAS: | ||
Mínithe. |
1 .— San Acht seo— | |
[EN] | tá le “ Coiste um Réiteach Díospóidí ” an bhrí chéanna atá leis sa Phríomh-Acht; | |
[EN] | ciallaíonn “ Príomh-Acht ” an tAcht um Thionóntachtaí Cónaithe 2004. | |
Bailíocht a thabhairt do cheapacháin chuig an gCoiste um Réiteach Díospóidí agus nithe gaolmhara. |
2 .— (1) D’ainneoin aon sárú a bheith déanta ar fho-alt (3), (4) nó (5) d’alt 159 den Phríomh-Acht— | |
[EN] | (a) measfar go ndearnadh go bailí gach ceapadh, nó gach ceapadh airbheartaithe, a rinneadh chuig an gCoiste um Réiteach Díospóidí roimh an Acht seo a rith, agus | |
[EN] | (b) measfar go gcomhdhearnadh go bailí gach Binse Tionóntachta arna chomhdhéanamh, nó a airbheartaíonn a bheith comhdhéanta, faoi alt 102 den Phríomh-Acht roimh an Acht seo a rith. | |
[EN] | (2) Gach gníomh a rinne, nó a airbheartaítear a rinne an Coiste um Réiteach Díospóidí nó Binse Tionóntachta roimh an Acht seo a rith, agus a bheadh, murach an fo-alt seo, neamhbhailí de bhíthin amháin sárú a bheith déanta ar fho-alt (3), (4) nó (5) d’alt 159 den Phríomh-Acht, measfar go bhfuil sé, agus go raibh sé riamh, bailí agus éifeachtach chun gach críche. | |
[EN] | (3) Dá mba rud é go mbeadh fo-alt (1) nó (2), murach an fo-alt seo, ar neamhréir le ceart bunreachtúil aon duine, beidh oibriú an fho-ailt sin faoi réir cibé teorannú is gá chun a áirithiú nach mbeidh sé ar neamhréir amhlaidh ach beidh lánfheidhm aige agus lánéifeacht leis thairis sin. | |
Gearrtheideal agus comhlua. |
3 .— (1) Féadfar an tAcht um Thionóntachtaí Cónaithe (Leasú) 2009 a ghairm den Acht seo. | |
[EN] | (2) Féadfar na hAchtanna um Thionóntachtaí Cónaithe 2004 agus 2009 a ghairm den Phríomh-Acht agus den Acht seo le chéile. |