|
|||||
|
Ar Aghaidh (SCEIDEAL A) |
[EN] | ||
| ||
Uimhir 51 de 2001 | ||
AN tACHT LEASA SHÓISIALAIGH (UIMH. 2), 2001 | ||
[An tiontú oifigiúil] |
RIAR NA nALT | ||||||||||||
Alt | ||||||||||||
1 . Mínithe. | ||||||||||||
2 . Sochair árachais shóisialaigh (rátaí nua). | ||||||||||||
3 . Íocaíochtaí cúnaimh shóisialaigh (rátaí nua). | ||||||||||||
4 . Forlíonadh ar ioncam teaghlaigh (rátaí seachtainiúla nua). | ||||||||||||
5 . Ranníocaí fostaíochta (rátaí nua ranníocaí agus leasú ar uasteorainn tuillimh). | ||||||||||||
6 . Ranníocaí roghnacha (leasú ar an uasteorainn ioncaim). | ||||||||||||
7 . An Ciste Árachais Shóisialaigh. | ||||||||||||
8 . Aisghairm. | ||||||||||||
9 . Gearrtheideal agus forléiriú. | ||||||||||||
Na hAchtanna dá dTagraítear | ||||||||||||
| ||||||||||||
| ||||||||||||
Uimhir 51 de 2001 | ||||||||||||
AN tACHT LEASA SHÓISIALAIGH (UIMH. 2), 2001 | ||||||||||||
[An tiontú oifigiúil] |
ACHT DO LEASÚ AGUS DO LEATHNÚ NA nACHTANNA LEASA SHÓISIALAIGH. | ||
[20 Nollaig, 2001] |
ACHTAÍTEAR AG AN OIREACHTAS MAR A LEANAS: | ||
[EN] |
Mínithe. |
1 .— San Acht seo— |
[EN] | ciallaíonn “Acht 1996” an tAcht Leasa Shóisialaigh, 1996; | |
[EN] | ciallaíonn “Acht 1999” an tAcht Leasa Shóisialaigh, 1999 ; | |
[EN] | ciallaíonn “Acht 2000” an tAcht Leasa Shóisialaigh, 2000; | |
[EN] | ciallaíonn “Acht 2001” an tAcht Leasa Shóisialaigh, 2001; | |
[EN] | ciallaíonn “Príomh-Acht” an tAcht Leasa Shóisialaigh (Comhdhlúite), 1993. | |
[EN] |
Sochair árachais shóisialaigh (rátaí nua). |
2 .— (1) Leasaítear an Príomh-Acht trí na Codanna atá leagtha amach i Sceideal A a ghabhann leis an Acht seo a chur in ionad Chodanna I go IV (a cuireadh isteach le halt 4 d’Acht 2001) agus Chuid V (a cuireadh isteach le halt 4 d’Acht 1999) den Dara Sceideal a ghabhann leis an Acht sin. |
[EN] | (2) Tagann an t-alt seo i ngníomh— | |
[EN] | (a) a mhéid a bhaineann sé le sochar dífhostaíochta, an 27 Nollaig 2001, | |
[EN] | (b) a mhéid a bhaineann sé le sochar míchumais, sochar sláinte agus sábháilteachta, sochar díobhála agus aisce mhíthreorach, an 31 Nollaig 2001, | |
[EN] | (c) a mhéid a bhaineann sé le sochar cúramóra, pinsean scoir, pinsean easláine agus íocaíocht iomchuí de bhua alt 18(1)(a) d’Acht 1996, an 3 Eanáir 2002, agus | |
[EN] | (d) a mhéid a bhaineann sé le pinsean míthreorach, sochar báis faoi alt 60, 61 nó 62 den Phríomh-Acht, pinsean seanaoise (ranníocach), pinsean baintrí agus pinsean baintrí fir (ranníocach), liúntas dílleachta (ranníocach) agus deontas méala, an 4 Eanáir 2002. | |
[EN] |
Íocaíochtaí cúnaimh shóisialaigh (rátaí nua). |
3 .— (1) Leasaítear an Príomh-Acht trí na Codanna atá leagtha amach i Sceideal B a ghabhann leis an Acht seo a chur in ionad Chodanna I, II, IIA, IIB agus IIC (a cuireadh isteach le halt 5 d’Acht 2001) den Cheathrú Sceideal a ghabhann leis an Acht sin. |
[EN] | (2) Tagann an t-alt seo i ngníomh— | |
[EN] | (a) a mhéid a bhaineann sé le cúnamh dífhostaíochta, liúntas réamhscoir agus cúnamh feirme, an 26 Nollaig 2001, | |
[EN] | (b) a mhéid a bhaineann sé le liúntas leasa forlíontach, an 31 Nollaig 2001, | |
[EN] | (c) a mhéid a bhaineann sé le liúntas míchumais, an 2 Eanáir 2002, | |
[EN] | (d) a mhéid a bhaineann sé le híocaíocht teaghlaigh aontuismitheora (seachas i gcás í a bheith iníoctha i leith baintrí nó baintrí fir), liúntas cúramóra agus íocaíocht iomchuí de bhua alt 18(1)(b) nó (c) d’Acht 1996, an 3 Eanáir 2002, agus | |
[EN] | (e) a mhéid a bhaineann sé le pinsean seanaoise (neamhranníocach), pinsean dall, pinsean baintrí agus baintrí fir (neamhranníocach), íocaíocht teaghlaigh aontuismitheora is iníoctha i leith baintrí nó baintrí fir agus pinsean dílleachta (neamhranníocach), an 4 Eanáir 2002. | |
[EN] |
Forlíonadh ar ioncam teaghlaigh (rátaí seachtainiúla nua). |
4 .— (1) Leasaítear an Príomh-Acht tríd an alt seo a leanas a chur in ionad alt 198 (a cuireadh isteach le halt 7(1) d’Acht 2001): |
[EN] | “198.— Faoi réir an Achta seo, beidh liúntas (dá ngairtear ‘forlíonadh ar ioncam teaghlaigh’ san Acht seo) iníoctha as airgead a sholáthróidh an tOireachtas i leith teaghlaigh más lú an t-ioncam seachtainiúil teaghlaigh ná— | |
[EN] | (a) i gcás teaghlaigh nach bhfuil ach 1 leanbh ann, €362, | |
[EN] | (b) i gcás teaghlaigh a bhfuil 2 leanbh ann, €388, | |
[EN] | (c) i gcás teaghlaigh a bhfuil 3 leanbh ann, €413, | |
[EN] | (d) i gcás teaghlaigh a bhfuil 4 leanbh ann, €438, | |
[EN] | (e) i gcás teaghlaigh a bhfuil 5 leanbh ann, €470, | |
[EN] | (f) i gcás teaghlaigh a bhfuil 6 leanbh ann, €496, | |
[EN] | (g) i gcás teaghlaigh a bhfuil 7 leanbh ann, €517, nó | |
[EN] | (h) i gcás teaghlaigh a bhfuil 8 leanbh nó níos mó ann, €539.”. | |
[EN] | (2) Tagann an t-alt seo i ngníomh an 3 Eanáir 2002. | |
[EN] |
Ranníocaí fostaíochta (rátaí nua ranníocaí agus leasú ar uasteorainn tuillimh). |
5 .— (1) Leasaítear alt 10 den Phríomh-Acht— |
[EN] | (a) i bhfo-alt (1)(c), trí “€38,740” a chur in ionad “£28,250” (a cuireadh isteach le halt 8(2)(b) d’Acht 2001), | |
[EN] | (b) i bhfo-alt (1)(d) (arna leasú le halt 8(2)(c) d’Acht 2001), trí “10.05 faoin gcéad” a chur in ionad “11.3 faoin gcéad”, agus | |
[EN] | (c) i bhfo-alt (7) (arna leasú le halt 8(1)(f) d’Acht 2000), trí “10.05 faoin gcéad” a chur in ionad “11.3 faoin gcéad”. | |
[EN] | (2) Tagann an t-alt seo i ngníomh— | |
[EN] | (a) a mhéid a bhaineann sé le fo-alt (1)(a), an 1 Eanáir 2002, agus | |
[EN] | (b) a mhéid a bhaineann sé le fo-alt (1)(b) agus (1)(c), an 1 Márta 2002. | |
[EN] |
Ranníocaí roghnacha (leasú ar an uasteorainn ioncaim). |
6 .— (1) Leasaítear alt 24B(1)(b) den Phríomh-Acht trí “€38,740” a chur in ionad “£28,250” (a cuireadh isteach le halt 10(1) d’Acht 2001). |
[EN] | (2) Tagann an t-alt seo i ngníomh an 1 Eanáir 2002. | |
[EN] |
An Ciste Árachais Shóisialaigh. |
7 .— Leasaítear alt 7 den Phríomh-Acht tríd an bhfo-alt seo a leanas a chur isteach i ndiaidh fho-alt (11): |
[EN] | “(12) Sa bhliain airgeadais 2002, déanfar méid €635 mhilliún a íoc as an gCiste isteach sa Státchiste.”. | |
[EN] |
Aisghairm. |
8 .— (1) Aisghairtear ailt 32, 33 agus 35 d’Acht 2001. |
[EN] | (2) Aisghairtear alt 36 d’Acht 2001 a mhéid a bhaineann sé le halt 10(1)(c) agus le halt 24B(1)(b) den phríomh-Acht. | |
[EN] |
Gearrtheideal agus forléiriú. |
9 .— (1) Féadfar an tAcht Leasa Shóisialaigh (Uimh. 2), 2001 a ghairm den Acht seo. |
[EN] | (2) Forléireofar na hAchtanna Leasa Shóisialaigh agus an tAcht seo le chéile mar aon ní amháin. |