Alt

1.

Mínithe.

2.

Cumhachtaí teagmhasacha etc. an Údaráis.

3.

Ráta nialais tobhaigh ar gheallghlacadóirí maidir le geallta cúrsa.

4.

Leasú ar Acht 1994 (geallghlacadóirí).

5.

Tobhach ar shearraigh folaíochta.

6.

Leasú ar alt 53 d'Acht 1994.

7.

Leasú ar alt 65 d'Acht 1994.

8.

“oifig ghealltóireachta”.

9.

Coistí den Bhord.

10.

Leasú ar Acht 1958 (cumhachtaí an Bhoird).

11.

Leasú ar Acht 1958 (geallghlacadóirí).

12.

Méadú ar fhíneálacha faoi Acht 1958, etc.

13.

Aisghairm.

14.

Leasú ar alt 8 den Acht um Gheall-Chur, 1931.

15.

Leasú ar alt 18 den Acht Deochanna Meisciúla, 1962.

16.

Gearrtheideal agus tosach feidhme.

Na hAchtanna dá dTagraítear

An tAcht um Gheall-Chur, 1926

1926, Uimh. 38

An tAcht um Gheall-Chur, 1931

1931, Uimh. 27

Achtanna na gCuideachtaí, 1963 go 1999

An tAcht Airgid, 1926

1926, Uimh. 35

An tAcht Airgid, 1929

1929, Uimh. 32

An tAcht Airgeadais, 1999

1999, Uimh. 2

Acht Tionscail na gCon, 1958

1958, Uimh. 12

An tAcht Deochanna Meisciúla, 1962

1962, Uimh. 21

An tAcht um Thionscal Rásaíochta Capall na hÉireann, 1994

1994, Uimh. 18

“Muirear láimhdeachais is iníoctha ag geallghlacadóirí údaraithe ar gheallta cúrsa.

54A.—(1) Déanfaidh geallghlacadóir údaraithe a dhéanann geall ag ráschúrsa údaraithe, ar ócáid a bheidh ar siúl ansin nó in áit eile, seachas trí theileachumarsáid ó áit taobh amuigh den ráschúrsa, ar geall é is ábhar do thobhach faoi alt 54, muirear láimhdeachais ar an ngeall sin a íoc leis an Údarás.

(2) Is éard a bheidh sa ráta muirir láimhdeachais is iníoctha faoi fho-alt (1)—

(a) i leith gill le geallghlacadóir údaraithe seachas in oifig ghealltóireachta agus a chuirfear go heisiach ar rás capall a bheidh ar siúl ag an ráschúrsa údaraithe ag a gcuirtear an geall, 0.3 faoin gcéad nó cibé céatadán eile nach mó ná 2.5 faoin gcéad a fhorordóidh an tÚdarás ó am go ham, le toiliú an Aire; agus

(b) i leith na ngeallta uile a chuirfear in oifig ghealltóireachta agus i leith aon ghill a chuirfear ag ráschúrsa údaraithe i gcás ina mbaineann an geall sin go léir nó aon chuid den gheall sin le hócáid arb é atá inti rás capall nó aon ócáid eile a bheidh ar siúl in áit eile, 0.3 faoin gcéad nó cibé céatadán eile a bheidh arna shonrú faoi rialacháin faoi alt 54D.

Muirir chothrom ráta is iníoctha ag geallghlacadóirí údaraithe.

54B.—(1) Féadfaidh an tÚdarás cibé muirir chothrom-ráta a mheasfaidh sé is gá agus is cuí a ghearradh i leith na nithe seo a leanas—

(a) gníomhaíochtaí geallghlacadóra údaraithe,

(b) gníomhaíochtaí geallghlacadóra cheadúnaithe ag ráschúrsaí ceadúnaithe atá ceadúnaithe chun rás-chruinnithe pointe-go-pointe a sheoladh,

(c) ionad a shealbhaíonn geallghlacadóir údaraithe ag ráschúrsa údaraithe,

(d) ionad a shealbhaíonn geallghlacadóir ceadúnaithe ag ráschúrsa ceadúnaithe atá ceadúnaithe chun rás-chruinnithe pointe-go-pointe a sheoladh,

(e) oifig ghealltóireachta,

agus féadfar muirir éagsúla a ghearradh i leith suíomh nó rás-chruinnithe éagsúla ag féachaint do luach ionchasach an tsuímh nó an chruinnithe le haghaidh gnó geallghlacadóireachta.

Cead gealltóireachta cúrsa a fhionraí nó a chúlghairm mura n-íocfar muirir.

54C.—(1) Maidir le geallghlacadóir údaraithe a mhainneoidh nó a fhailleoidh aon suim is iníoctha aige i leith muirir a bheidh dlite faoi alt 54A nó 54B a íoc, féadfaidh an tÚdarás aon chead a deonaíodh dó faoi alt 48 a fhionraí nó a chúlghairm.

(2) Féadfaidh an tÚdarás aon chead den sórt sin a thabhairt ar ais i gcás gur deimhin leis gur íocadh na riaráistí uile muirir (lena n-áirítear ús de réir ráta cuí faoin gcéad).

(3) Féadfaidh an tÚdarás aon mhéid a bheidh dlite agus ag dul dó faoi alt 54A nó 54B a ghnóthú mar fhiach conartha shimplí in aon chúirt dlínse inniúla ó aon duine ag a mbeidh sé iníoctha.

(4) Déanfar aon tagairt in alt 54(4) agus (5) do thobhach a fhorléiriú mar thagairt a fholaíonn tagairt do mhuirir faoi alt 54A nó 54B.

Muirear láimhdeachais is iníoctha ag geallghlacadóirí ceadúnaithe ar gheallta eischúrsa.

54D.—(1) Déanfaidh geallghlacadóir ceadúnaithe a dhéanann geall ar aon ócáid, faoi réir na dleachta máil a fhorchuirtear le halt 24 den Acht Airgid, 1926 , muirear láimhdeachais 0.3 faoin gcéad, nó cibé céatadán eile nach mó ná 2.5 faoin gcéad a shonróidh an tAire i rialacháin, ó am go ham, le toiliú an Aire Airgeadais, ar an ngeall sin a íoc leis na Coimisinéirí Ioncaim le haghaidh agus thar ceann an Údaráis.

(2) Is éard a bheidh in aon chéatadán a shonrófar le rialacháin faoi fho-alt (1) an céatadán a shonrófar chun críocha alt 54A(2)(b) agus alt 32A(2)(b) d'Acht Tionscail na gCon, 1958 .

(3) Beidh feidhm ag forálacha ailt 24(4), 25 agus 26 den Acht Airgid, 1926 , agus alt 32 den Acht Airgid, 1929 , faoi réir aon mhodhnuithe is gá, maidir leis an muirear láimhdeachais a fhorchuirtear le fo-alt (1).

Muirear bliantúil is iníoctha i leith áitribh chláraithe.

54E.—(1) Déanfaidh gach dílseánach cláraithe (de réir bhrí an Achta um Gheall-Chur, 1931 ), i leith gach áitribh chláraithe (de réir bhrí an Achta um Gheall-Chur, 1931 ) arb é an dílseánach cláraithe air é, muirear i ndáil leis an méid (dá ngairtear ‘láimhdeachas’ san alt seo) a bheidh faighte aige ó gheallta a bheidh faoi réir dleachta máil a fhorchuirtear le halt 24 den Acht Airgid, 1926 , a íoc leis na Coimisinéirí Ioncaim, le haghaidh agus thar ceann an Údaráis, faoin 1ú lá de Mheán Fómhair i ngach bliain, ar geallta iad a rinneadh ag an áitreabh, le linn na tréimhse 12 mhí dar críoch an 30ú lá de Mheitheamh roimhe sin nó an Satharn deireanach den Mheitheamh roimhe sin, de réir mar a chinnfidh na Coimisinéirí Ioncaim, agus is éard a bheidh sa mhuirear sin—

(a) i gcás dílseánaigh a mbeidh láimhdeachas faoi bhun £50,000 faighte aige sa tréimhse sin, méid £500,

(b) i gcás dílseánaigh a mbeidh láimhdeachas £50,000 nó níos mó ach faoi bhun £100,000 faighte aige sa tréimhse sin, méid £1,000, agus

(c) i gcás dílseánaigh a mbeidh láimhdeachas £100,000 nó níos mó faighte aige sa tréimhse sin, méid £2,000.

(2) Féadfaidh an tAire le rialacháin, le toiliú an Aire Airgeadais—

(a) an muirear dá dtagraítear i mír (a) d'fho-alt (1) a athrú go méid nach mó ná £1,000,

(b) an muirear dá dtagraítear i mír (b) d'fho-alt (1) a athrú go méid nach mó ná £2,000, agus

(c) an muirear dá dtagraítear i mír (c) d'fho-alt (1) a athrú go méid nach mó ná £5,000.

(3) Ní dhéanfar clárú aon áitribh a athnuachan faoi alt 12 den Acht um Gheall-Chur, 1931 , mura mbeidh agus go dtí go mbeidh aon mhéid a bheidh dlite faoi fho-alt (1) íoctha go hiomlán.

An tÚdarás d'aistriú cuid de na suimeanna a bheidh bailithe chuig Bord na gCon.

54F.—Déanfaidh an tÚdarás 20 faoin gcéad d'aon mhéid a bheidh íoctha leis an Údarás, nó a bheidh bailithe ag an Údarás nó thar ceann an Údaráis faoi alt 54D(1) nó 54E, a aistriú chuig Bord na gCon.”.

AN TÁBLA

(3) Beidh coiste den Bhord comhdhéanta de cibé méid comhaltaí is cuí leis an mBord agus, de rogha an Bhoird, féadfaidh daoine nach comhaltaí den Bhord a bheith ar choiste den sórt sin nó féadfaidh sé a bheith comhdhéanta de dhaoine nach comhaltaí den Bhord.

“An Bord do ghearradh muirear.

18A.—(1) Féadfaidh an Bord cibé muirir a ghearradh is dóigh leis is gá agus is cuí i gcomaoin na nithe seo a leanas—

(a) comhlíonadh a fheidhmeanna aige,

(b) soláthar aon seirbhíse aige,

(c) seoladh aon ghníomhaíochtaí aige, agus

(d) iarratas ar aon cheadúnas rás-riain chon nó ar aon chead gealltóireachta cúrsa nó deonú aon cheadúnais rás-riain chon nó aon cheada gealltóireachta cúrsa.

(2) Féadfaidh an Bord aon mhéid a bheidh dlite agus ag dul dó faoi fho-alt (1) den alt seo a ghnóthú mar fhiach conartha shimplí in aon chúirt dlínse inniúla ó aon duine ag a mbeidh sé iníoctha.

An Bord do bhunú cuideachtaí.

18B.—(1) Féadfaidh an Bord, ina aonar nó i dteannta duine eile, le toiliú an Aire agus an Aire Airgeadais, agus faoi réir aon choinníollacha ó cheachtar de na hAirí sin, foirmiú nó bunú cuideachta faoi Achtanna na gCuideachtaí, 1963 go 1999, a thionscnamh agus páirt a ghlacadh sa chéanna—

(a) chun aon cheann de na feidhmeanna a thugtar dó leis an Acht seo a chomhlíonadh, nó

(b) chun suimitheoir a oibriú.

(2) Féadfaidh an Bord rialú iomlán nó páirteach a fheidhmiú ar an mbord stiúrthóirí, cibé ainm a thabharfar air, de chuideachta de chuid an Bhoird, arb é an bord é a rialaíonn nó a bhainistíonn an chuideachta.

(3) Beidh meabhrán comhlachais agus airteagail chomhlachais cuideachta i cibé foirm i gcomhréir leis an Acht seo a cheadóidh an Bord le toiliú an Aire agus an Aire Airgeadais.

(4) Tabharfaidh cuideachta de chuid an Bhoird cibé tuarascálacha don Bhord, agus iad i cibé foirm, a cheanglóidh an Bord.

(5) Féadfaidh cuideachta dul i mbun comhfhiontar le daoine eile.

(6) Beidh príomhoifigeach cuideachta i seilbh oifige ar cibé téarmaí agus coinníollacha (lena n-áirítear téarmaí agus coinníollacha a bhaineann le luach saothair), agus faoina réir, a cheadóidh an bord stiúrthóirí (nó údarás eile, cibé ainm a thabharfar air, a rialaíonn aon chuideachta den sórt sin) le toiliú an Bhoird, an Aire agus an Aire Airgeadais.

(7) San alt seo ciallaíonn ‘cuideachta’ cuideachta arna bunú faoin alt seo.

Féadfaidh an Bord scaireanna i gcuideachta a fháil etc., agus teacht chun bheith ina chomhalta di.

18C.—Féadfaidh an Bord, le toiliú an Aire agus an Aire Airgeadais, scaireanna nó leasanna eile i gcuideachta a fháil, a shealbhú agus a dhiúscairt agus teacht chun bheith ina chomhalta de chuideachta (de réir bhrí Achtanna na gCuideachtaí, 1963 go 1999, nó dlíthe dlínse eile a bheidh ar comhréir leis na hAchtanna sin).

Táillí agus muirir a bhailiú thar ceann an Bhoird.

18D.—(1) Déanfaidh an Club, tar éis iarraidh a fháil chuige sin ón mBord, cibé táillí, tobhaigh nó muirir a shonróidh an Bord, ó am go ham, in iarraidh den sórt sin, a bhailiú in ainm an Bhoird.

(2) Déanfar na suimeanna uile a bhaileofar faoin alt seo a íoc leis an mBord i cibé slí agus cibé tráthanna a ordóidh an Bord i scríbhinn.”.

“Tobhaigh is iníoctha ag geallghlacadóirí údaraithe ar gheallta

32.—(1) (a) Déanfaidh geallghlacadóir ceadúnaithe a dhéanann geall ag rásrian con, ar ócáid a bheidh ar siúl ansin nó in áit eile, seachas trí theileachumarsáid ó áit taobh amuigh den rás-rian, tobhach ar an ngeall sin a íoc leis an mBord.

(b) Is éard a bheidh sna rátaí tobhaigh is iníoctha faoi mhír (a) den fho-alt seo—

(i) i leith gill le geallghlacadóir ceadúnaithe seachas in oifig ghealltóireachta agus a chuirfear go heisiach ar rás con a bheidh ar siúl ag an rás-rian con ag a gcuirtear an geall, nialas faoin gcéad nó cibé céatadán eile nach mó ná 5 faoin gcéad a fhorordóidh an Bord ó am go ham, le toiliú an Aire, nó

(ii) i leith na ngeallta uile a chuirfear in oifig ghealltóireachta ag rás-rian con agus i leith aon ghill a chuirfear ag rás-rian con i gcás ina mbaineann an geall sin go léir nó aon chuid den gheall sin le hócáid arb éard atá inti rás con nó aon ócáid eile a bheidh ar siúl in áit eile, an ráta tobhaigh céanna leis an ráta dleachta máil sin ag a mbeadh feidhm, faoi alt 24 den Acht Airgid, 1926 (arna leasú le halt 117 den Acht Airgeadais, 1999), maidir le geall den sórt sin dá gcuirfí in áit seachas ag rás-rian con é.

(c) Más rud é go gcinnfear an ócáid is ábhar do gheall faoi mhír (b)(i) den fho-alt seo i bhfabhar an duine lena ndéanann an geallghlacadóir an geall, déanfaidh an geallghlacadóir asbhaint as an méid iomlán a dhéanfadh sé, mura mbeadh sin, a íoc leis an duine sin nó a chreidiúnú don duine sin i leith an ghill, ar asbhaint í arna ríomh de réir an ráta faoin gcéad dá dtagraítear san fhomhír sin den mhéid iomlán sin.

(d) Chun críocha an ailt seo, measfar gurb é méid gill an tsuim a mbeidh an geallghlacadóir a dhéanann é i dteideal, de réir téarmaí an ghill, í a fháil, í a choimeád nó creidmheas a ghlacadh ina leith, má chinntear ina fhabhar an ócáid is ábhar don gheall.

(2) Tiocfaidh fo-alt (1)(b)(ii) den alt seo i ngníomh cibé lá a cheapfaidh an tAire le hordú.

Muirear láimhdeachais is iníoctha ag geallghlacadóirí údaraithe ar gheallta.

32A.—(1) Déanfaidh geallghlacadóir ceadúnaithe a dhéanann geall ag rás-rian con, ar ócáid a bheidh ar siúl ansin nó in áit eile, seachas trí theileachumarsáid ó áit taobh amuigh den rásrian, ar geall é is ábhar do thobhach faoi alt 32 den Acht, muirear láimhdeachais ar an ngeall sin a íoc leis an mBord.

(2) Is éard a bheidh sa ráta muirir láimhdeachais is iníoctha faoi fho-alt (1) den alt seo—

(a) i leith gill le geallghlacadóir ceadúnaithe seachas in oifig ghealltóireachta agus a chuirfear go heisiach ar rás con a bheidh ar siúl ag an rás-rian ag a gcuirtear an geall, 0.3 faoin gcéad nó cibé céatadán eile nach mó ná 2.5 faoin gcéad a fhorordóidh an Bord ó am go ham, le toiliú an Aire, agus

(b) i leith na ngeallta uile a chuirfear in oifig ghealltóireachta agus i leith aon ghill a chuirfear ag rás-rian con, i gcás ina mbaineann an geall sin go léir nó aon chuid den gheall sin le hócáid arb éard atá inti rás con nó aon ócáid eile a bheidh ar siúl in áit eile, 0.3 faoin gcéad nó cibé céatadán eile a bheidh arna shonrú faoi alt 54D den Acht um Thionscal Rásaíochta Capall na hÉireann, 1994.

Muirir chothromráta is iníoctha ag geallghlacadóirí údaraithe

32B.—Féadfaidh an Bord cibé muirir chothrom-ráta a mheasfaidh sé is gá agus is cuí a ghearradh i leith na nithe seo a leanas—

(a) geallghlacadóir ceadúnaithe ag oibriú dó ag rás-rian con,

(b) ionad a shealbhaíonn geallghlacadóir ceadúnaithe ag rás-rian con, nó

(c) oifig ghealltóireachta,

agus féadfar muirir éagsúla a ghearradh i leith suíomh éagsúil nó i leith rás-chruinnithe con éagsúla a bheidh á seoladh ag rás-rianta con ag féachaint do luach ionchasach an tsuímh nó an chruinnithe le haghaidh gnó geallghlacadóireachta.

Cead gealltóireachta cúrsa a fhionraí nó a chúlghairm mura n-íoctar tobhach nó muirir.

32C.—(1) (a) Maidir le geallghlacadóir ceadúnaithe a mhainneoidh nó a fhailleoidh aon suim is iníoctha aige i leith tobhaigh nó muirear a bheidh dlite faoin Acht seo a íoc, féadfaidh an Bord aon chead a deonaíodh dó faoi alt 29 den Acht seo a fhionraí nó a chúlghairm.

(b) Féadfaidh an Bord aon chead den sórt sin a thabhairt ar ais i gcás gur deimhin leis gur íocadh na riaráistí uile tobhaigh agus muirear atá dlite faoin Acht seo (lena n-áirítear ús de réir ráta cuí faoin gcéad).

(2) Beidh gach tobhach nó muirear is iníoctha ag aon duine inghnóthaithe ón duine sin ag an mBord mar fhiach conartha shimplí in aon chúirt dlínse inniúla.

(3) (a) I gcás ina bhfaighfear nach bhfuil tobhach nó muirir atá dlite faoin Acht seo íoctha ag geallghlacadóir ceadúnaithe nó nach bhfuil tuairisceáin chuí curtha chuig an mBord aige i leith an tobhaigh sin nó na muirear sin, nó ina leith araon, le haghaidh tréimhse míosa, féadfaidh an Bord measúnacht a dhéanamh ar an tobhach nó ar na muirir atá dlite agus féadfaidh sé ús a mhuirearú de réir ráta chuí ón lá a tháinig aon tobhach nó muirear den sórt sin chun bheith dlite den chéad uair, agus le linn dó é sin a dhéanamh beidh aird aige ar an leibhéal rátaí úis i gcoitinne sa Stát.

(b) (i) Faoi réir fhomhír (ii) den mhír seo, is é 10 faoin gcéad sa bhliain an ráta faoin gcéad cuí úis a mhuirearóidh an Bord faoin alt seo.

(ii) Más deimhin leis an mBord gur chóir, ag féachaint don leibhéal rátaí úis i gcoitinne sa Stát, an ráta faoin gcéad cuí a bheidh arna shonrú de thuras na huaire san alt seo a athrú, féadfaidh an Bord, le toiliú an Aire, an ráta úis arna shonrú amhlaidh a athrú le rialacháin agus beidh éifeacht leis an alt seo de réir théarmaí aon rialachán den sórt sin.

(4) (a) Aon uair a chruthófar chun sástacht an Bhoird go bhfuil geall a bhfuil tobhach nó muirear iníoctha ina leith tar éis teacht chun bheith ina gheall ar neamhní, féadfaidh an Bord, faoi réir cibé coinníollacha is cuí leis a fhorchur, an tobhach nó an muirear a íocadh a aisíoc nó an tobhach nó an muirear is inmhuirearaithe a mhaitheamh, de réir mar is gá sa chás, i leith an ghill sin.

(b) Sa mhír seo ciallaíonn ‘geall ar neamhní’ geall a chuirtear ar chú i rás ag rás-rian nó ar ócáid eile a tréigeadh, a dearbhaíodh a bheith ar neamhní ar aon chúis seachas toiliú frithpháirteach na bpáirtithe sa chéanna nó a cuireadh siar go lá eile.

Rialacháin i ndáil le hoifigí gealltóireachta.

32D.—(1) Faoi réir an ailt seo, féadfaidh an Bord, le rialacháin, socrú a dhéanamh—

(a) maidir lena cheadú do gheallghlacadóirí ceadúnaithe oibriú ó oifigí gealltóireachta ag rás-rianta con,

(b) maidir leis na nithe seo a leanas a rialáil—

(i) raon na seirbhísí gealltóireachta a chuirfear ar fáil ag oifigí gealltóireachta,

(ii) struchtúr agus suíomh oifigí gealltóireachta,

(iii) oibriú agus uaireanta oscailte oifigí gealltóireachta,

(iv) na daoine a fhéadfar a ligean isteach in oifigí gealltóireachta nó a gceadófar dóibh geallta a chur iontu,

(v) dea-ord agus iompar in oifigí gealltóireachta.

(2) Ní cheadófar le haon rialacháin a dhéanfar faoi fho-alt (1)(b)(iii) den alt seo i leith uaireanta oscailte oifigí gealltóireachta na hoifigí gealltóireachta sin a oscailt le haghaidh gnó ar feadh tréimhse ar bith sula gceadaítear don phobal dul isteach chuig rás-rian con nó go bhfanfaidh siad ar oscailt níos déanaí ná dhá uair an chloig tar éis an rás deireanach a chríochnú.

(3) Féadfaidh an Bord, i gcás gur mhainnigh geallghlacadóir ceadúnaithe aon rialacháin arna ndéanamh faoin alt seo a chomhlíonadh, a chead gealltóireachta cúrsa a fhionraí ar feadh cibé tréimhse is cuí leis nó an cead sin a chúlghairm.”.

AN TÁBLA

AN TÁBLA

(1) Leanfaidh na Coimisinéirí Ioncuim den chlár (dá ngairmtear san Acht so an clár d'oifigí glactha geall) d'áitreabhacha ina ndeintear gnó glactha na ngeall, seachas áitreabh is oifig ghealltóireachta (de réir bhrí an Achta um Thionscal Rásaíochta Capall na hÉireann, 1994), nó oifig ghealltóireachta (de réir bhrí Acht Tionscail na gCon, 1958 ), do bhunuíodar agus do choimeádadar go dtí so fén Acht um Gheall-Chur, 1926 , do choimeád sa bhfuirm orduithe agus cláróid sa chlár san gach áitreabh go mbeidh sé ceangailte ortha de bhua an Achta so é do chlárú ann.