Uimhir 44 de 1998

AN tACHT MAOINE STÁIT, 1998

RIAR NA nALT

Uimhir 44 de 1998

AN tACHT MAOINE STÁIT, 1998

[An tiontú oifigiúil]

ACHT DÁ CHUMASÚ DON AIRE TALMHAÍOCHTA AGUS BIA TAILTE A DÍLSÍODH SAN AIRE LEIS AN ACHT GROIGHE NÁISIÚNTA, 1945 , A DHÍOL AGUS DÉILEÁIL LEO THAIRIS SIN, AGUS CHUN NA CRÍCHE SIN DO LEASÚ AN ACHTA SIN AGUS AN ACHTA MAOINE STÁIT, 1954 , AGUS DO DHÉANAMH SOCRÚ I dTAOBH NITHE GAOLMHARA. [8 Nollaig, 1998]

ACHTAÍTEAR AG AN OIREACHTAS MAR A LEANAS:

Leasú ar an Acht Groighe Náisiúnta, 1945 .

1. —Leasaítear leis seo an tAcht Groighe Náisiúnta, 1945 , trí alt 7 a aisghairm.

Leasú ar an Acht Maoine Stáit, 1954 .

2. —Leasaítear leis seo an tAcht Maoine Stáit, 1954 , sa Chéad Sceideal, trí mhír 5 a aisghairm.

Gearrtheideal.

3. —Féadfar an tAcht Maoine Stáit, 1998 , a ghairm den Acht seo.