Uimhir 35 de 1990

AN tACHT UM RIALÚ IOMLAOIDE (BUANÚ), 1990

RIAR NA nALT

Uimhir 35 de 1990

AN tACHT UM RIALÚ IOMLAOIDE (BUANÚ), 1990

[An tiontú oifigiúil]

ACHT DO CHOIMEÁD AN ACHTA UM RIALÚ IOMLAOIDE, 1954 , I nGNÍOMH. [24 Nollaig, 1990]

ACHTAÍTEAR AG AN OIREACHTAS MAR A LEANAS:

Buanú an Achta um Rialú Iomlaoide, 1954 .

1. —Leasaítear leis seo alt 2 den Acht um Rialú Iomlaoide, 1954 , tríd an bhfo-alt seo a leanas a chur in ionad fho-alt (2) (a cuireadh isteach leis an Acht um Rialú Iomlaoide (Buanú), 1986 ):

“(2) Leanfaidh an tAcht seo i ngníomh go dtí an 31ú lá de Nollaig, 1992, agus éagfaidh sé ansin.”.

Gearrtheideal agus comhlua.

2. —(1) Féadfar an tAcht um Rialú Iomlaoide (Buanú), 1990 , a ghairm den Acht seo.

(2) Féadfar na hAchtanna um Rialú Iomlaoide, 1954 go 1990, a ghairm de na hAchtanna um Rialú Iomlaoide, 1954 go 1986, agus den Acht seo le chéile.