|
|||||
|
Ar Aghaidh (AN CHÉAD SCEIDEAL Leasuithe Iarmhartacha) |
[EN] | ||||||||||||||||||||||||||||||||||
| ||||||||||||||||||||||||||||||||||
Uimhir 16 de 1990 | ||||||||||||||||||||||||||||||||||
[EN] |
AN tACHT UM CHEARTAS COIRIÚIL, 1990 | |||||||||||||||||||||||||||||||||
RIAR NA nALT | ||||||||||||||||||||||||||||||||||
Leasuithe Iarmhartacha | ||||||||||||||||||||||||||||||||||
Na hAchtacháin a Aisghairtear | ||||||||||||||||||||||||||||||||||
| ||||||||||||||||||||||||||||||||||
| ||||||||||||||||||||||||||||||||||
Uimhir 16 de 1990 | ||||||||||||||||||||||||||||||||||
AN tACHT UM CHEARTAS COIRIÚIL, 1990 | ||||||||||||||||||||||||||||||||||
[An tiontú oifigiúil] | ||||||||||||||||||||||||||||||||||
ACHT DO CHUR DEIREADH LE PIONÓS AN BHÁIS AGUS DO CHUR PRÍOSÚNACHTA SAOIL INA IONAD, DÁ FHORÁIL GO nDÉANFAIDH DAOINE A CHIONTÓFAR I dTRÉAS NÓ I gCINEÁLACHA ÁIRITHE DÚNMHARAI-THE NÓ IN IARRACHTAÍ AON DÚNMHARÚ DEN SÓRT SIN A DHÉANAMH ÍOSTRÉIMHSE PRÍOSÚN-ACHTA A CHUR ISTEACH, AGUS DO DHÉANAMH SOCRÚ I dTAOBH NITHE EILE A BHAINEANN LEIS NA NITHE SIN. [11 Iúil, 1990] | ||||||||||||||||||||||||||||||||||
ACHTAÍTEAR AG AN OIREACHTAS MAR A LEANAS: | ||||||||||||||||||||||||||||||||||
[EN] |
Deireadh a chur le pionós an bháis. |
1. —Ní chuirfear aon duine chun báis mar gheall ar aon chion. | ||||||||||||||||||||||||||||||||
[EN] |
Pianbhreith i leith tréasa agus dúnmharú. |
2. —Gearrfar príosúnacht saoil ar dhuine a chiontófar i dtréas nó i ndúnmharú. | ||||||||||||||||||||||||||||||||
[EN] |
Socrú speisialta i ndáil le dúnmharuithe áirithe agus iarrachtaí áirithe. |
3. —(1) Tá feidhm ag an alt seo maidir le— | ||||||||||||||||||||||||||||||||
[EN] | (a) dúnmharú comhalta den Gharda Síochána ag gníomhú dó i gcúrsa a dhualgais, | |||||||||||||||||||||||||||||||||
[EN] | (b) dúnmharú oifigigh phríosúin ag gníomhú dó i gcúrsa a dhualgais, | |||||||||||||||||||||||||||||||||
[EN] | (c) dúnmharú arna dhéanamh i gcúrsa, nó ag saothrú, ciona faoi alt 6, 7, 8 nó 9 den Acht um Chiontaí in Aghaidh an Stáit, 1939 , nó i gcúrsa, nó ag saothrú, gníomhaíochtaí eagraíochta mídhleathaí de réir bhrí alt 18 (seachas mír (f)) den Acht sin, agus | |||||||||||||||||||||||||||||||||
[EN] | (d) dúnmharú, arna dhéanamh laistigh den Stát chun tucaide polaitiúla, ar cheannasaí Stáit choigríche nó ar chomhalta de rialtas Stáit choigríche nó ar oifigeach taidhleoireachta do Stát coigríche, | |||||||||||||||||||||||||||||||||
[EN] | agus maidir le hiarracht aon dúnmharú den sórt sin a dhéanamh. | |||||||||||||||||||||||||||||||||
[EN] | (2) (a) Faoi réir mhír (b), is cion ar leithligh ó dhúnmharú agus ó iarracht dúnmharú a dhéanamh dúnmharú a bhfuil feidhm ag an alt seo maidir leis agus iarracht dúnmharú den sórt sin a dhéanamh agus ní chiontófar duine i ndúnmharú a bhfuil feidhm ag an alt seo maidir leis nó in iarracht dúnmharú den sórt sin a dhéanamh mura gcruthaítear go raibh a fhios aige gurbh ann do gach cuid den chion a shonraítear sa mhír iomchuí d'fho-alt (1) nó go raibh sé meargánta i dtaobh cibé acu arbh ann nó nárbh ann don chuid sin. | |||||||||||||||||||||||||||||||||
[EN] | (b) Ach amháin mar a fhoráiltear a mhalairt leis an Acht seo, beidh feidhm maidir leis an gcion ag an dlí agus an nós imeachta a bhaineann le dúnmharú agus le hiarracht dúnmharú a dhéanamh. | |||||||||||||||||||||||||||||||||
[EN] | (3) San alt seo— | |||||||||||||||||||||||||||||||||
[EN] | ciallaíonn “oifigeach taidhleoireachta” comhalta foirne de mhisean taidhleoireachta de chuid Stáit choigríche a bhfuil céim thaidhleoireachta aige; | |||||||||||||||||||||||||||||||||
[EN] | ciallaíonn “príosún” aon áit dar féidir rialacha nó rialacháin a dhéanamh faoi Achtanna na bPríosún, 1826 go 1980, faoi alt 7 den Acht um Chiontaí in Aghaidh an Stáit (Leasú), 1940 , faoi alt 233 den Acht Cosanta, 1954 , faoi alt 2 d'Acht na bPríosúnach Cogaidh agus na nEachtrannach Naimhdeach, 1956 , nó faoi alt 13 den Acht um Dhlínse Choiriúil, 1960 ; | |||||||||||||||||||||||||||||||||
[EN] | folaíonn “oifigeach príosúin” aon chomhalta d'fhoireann príosúin agus aon duine ag a bhfuil coimeád, nó dualgais i leith coimeád, duine atá á choinneáil i bpríosún. | |||||||||||||||||||||||||||||||||
[EN] |
Tréimhse íosta príosúnachta mar gheall ar thréas agus dúnmharú, agus iarrachtaí ar dhúnmharú, a bhfuil feidhm ag alt 3 maidir leo. |
4. —I gcás go gciontófar duine (seachas leanbh nó duine óg) i dtréas nó i ndúnmharú nó in iarracht dúnmharú a dhéanamh a bhfuil feidhm ag alt 3 maidir leis, déanfaidh an chúirt— | ||||||||||||||||||||||||||||||||
[EN] | (a) i gcás tréasa nó dúnmharú, a shonrú, le linn di pianbhreith a chur ar an duine, gur tréimhse nach lú ná daichead bliain an tréimhse íosta príosúnachta a bheidh le cur isteach ag an duine sin, | |||||||||||||||||||||||||||||||||
[EN] | (b) i gcás iarracht dúnmharú a dhéanamh, tréimhse príosúnachta nach lú ná fiche bliain a chur ar an duine agus a shonrú gur tréimhse nach lú ná fiche bliain an tréimhse íosta príosúnachta a bheidh le cur isteach ag an duine sin. | |||||||||||||||||||||||||||||||||
[EN] |
Srianta ar chumhacht pionós a iomalartú nó a loghadh nó scaoileadh saor sealadach a dheonú. |
5. —(1) An chumhacht a thugtar le halt 23 den Acht um Cheartas Coiriúil, 1951 , pionós a iomalartú nó a loghadh ní bheidh sí, i gcás duine a mbeidh pianbhreith á cur isteach aige a cuireadh air ar é a chiontú i dtréas nó i ndúnmharú a bhfuil feidhm ag alt 3 maidir leis nó in iarracht dúnmharú den sórt sin a dhéanamh, infheidhmithe roimh dhul in éag don tréimhse íosta a bheidh sonraithe ag an gcúirt faoi alt 4 lúide aon laghdú a dhéanfar ar an tréimhse sin faoi fho-alt (2) den alt seo. | ||||||||||||||||||||||||||||||||
[EN] | (2) Na rialacha nó an cleachtas faoinar féidir le príosúnaigh i gcoitinne loghadh pianbhreithe a thuilleamh trí dhúthracht agus dea-iompar, beidh feidhm acu maidir le duine a mbeidh pianbhreith á cur isteach aige a cuireadh air ar é a chiontú i dtréas nó i ndúnmharú a bhfuil feidhm ag alt 3 maidir leis nó in iarracht dúnmharú den sórt sin a dhéanamh amhail is dá mbeadh téarma príosúnachta gearrtha air is comhionann leis an tréimhse íosta a bheidh sonraithe ag an gcúirt faoi alt 4, agus laghdófar an tréimhse sin de mhéid aon loghadh a bheidh tuillte amhlaidh aige. | |||||||||||||||||||||||||||||||||
[EN] | (3) Aon chumhacht a thugtar le rialacha arna ndéanamh faoi alt 2 den Acht um Dhlínse Choiriúil, 1960 (lena n-áirítear an t-alt sin arna chur chun feidhme le halt 4 d'Acht na bPríosún, 1970 ) chun duine a mbeidh pianbhreith príosúnachta á cur isteach aige a scaoileadh saor go sealadach, ní bheidh sí, i gcás duine a mbeidh pianbhreith á cur isteach aige a cuireadh air ar é a chiontú i dtréas nó i ndúnmharú a bhfuil feidhm ag alt 3 maidir leis nó in iarracht dúnmharú den sórt sin a dhéanamh, infheidhmithe i gcaitheamh na tréimhse a mbeidh iomalartú nó loghadh a phionóis toirmiscthe le fo-alt (1) den alt seo ach amháin ar chúiseanna tromaí de chineál daonchairdiúil, agus ní mhairfidh aon scaoileadh saor a dheonófar amhlaidh ach cibé fad teoranta a bheidh cóir ag féachaint do na cúiseanna sin. | |||||||||||||||||||||||||||||||||
[EN] |
Nós imeachta i gcás dúnmharú, agus iarrachtaí ar dhúnmharú, a bhfuil feidhm ag alt 3 maidir leo. |
6. —(1) I gcás go gcúisítear duine i ndúnmharú a bhfuil feidhm ag alt 3 maidir leis nó in iarracht dúnmharú den sórt sin a dhéanamh, cúiseofar é sa díotáil i ndúnmharú a bhfuil feidhm ag an alt sin maidir leis nó, de réir mar a bheidh, in iarracht dúnmharú den sórt sin a dhéanamh. | ||||||||||||||||||||||||||||||||
[EN] | (2) Maidir le duine a dhíotáiltear i ndúnmharú a bhfuil feidhm ag alt 3 maidir leis— | |||||||||||||||||||||||||||||||||
[EN] | (a) féadfar, mura ndlíonn an fhianaise é a chiontú i ndúnmharú den sórt sin ach go ndlíonn sí é a chiontú i ndúnmharú, é a fháil ciontach i ndúnmharú, | |||||||||||||||||||||||||||||||||
[EN] | (b) féadfar, mura ndlíonn an fhianaise é a chiontú i ndúnmharú ach go ndlíonn sí é a chiontú i ndúnorgain, é a fháil ciontach i ndúnorgain. | |||||||||||||||||||||||||||||||||
[EN] | (3) Duine a dhíotáiltear in iarracht dúnmharú a dhéanamh a bhfuil feidhm ag alt 3 maidir leis féadfar, mura ndlíonn an fhianaise é a chiontú in iarracht den sórt sin ach go ndlíonn sí é a chiontú in iarracht dúnmharú a dhéanamh, é a fháil ciontach in iarracht dúnmharú a dhéanamh. | |||||||||||||||||||||||||||||||||
[EN] |
Leasuithe iarmhartacha. |
7. —Déantar leis seo na hachtacháin a luaitear sa Chéad Sceideal a leasú ar an modh a shonraítear sa Sceideal sin. | ||||||||||||||||||||||||||||||||
[EN] |
Forálacha idirthréimhseacha. |
8. —(1) Cion tréasa, dúnmharaithe breithe báis nó iarracht dúnmharú breithe báis a dhéanamh, ar cion é a rinneadh go hiomlán nó go páirteach roimh an Acht seo a rith, déileálfar leis faoin dlí a bhí i bhfeidhm roimh an Acht seo a rith, ach amháin— | ||||||||||||||||||||||||||||||||
[EN] | (a) má chiontaítear an ciontóir i dtréas nó i ndúnmharú breithe báis, go ngearrfar pianbhreith air mar a fhoráiltear leis an Acht seo amhail is dá mba rud é, i gcás dúnmharú breithe báis, gur dúnmharú a bhfuil feidhm ag alt 3 maidir leis an dúnmharú, agus | |||||||||||||||||||||||||||||||||
[EN] | (b) má chiontaítear é in iarracht ar dhúnmharú breithe báis, go ngearrfar pianbhreith air amhail is dá gciontófaí é in iarracht ar dhúnmharú. | |||||||||||||||||||||||||||||||||
[EN] | (2) Más rud é, ar achomharc in aghaidh ciontú a tharla roimh an Acht seo a rith i dtréas nó i ndúnmharú breithe báis, go ndaingnítear an ciontú, forchuirfidh an chúirt achomhairc pianbhreith mar a fhoráiltear leis an Acht seo amhail is dá mba rud é, i gcás dúnmharú breithe báis, gur dúnmharú a bhfuil feidhm ag alt 3 maidir leis an dúnmharú. | |||||||||||||||||||||||||||||||||
[EN] |
Aisghairm. |
9. —(1) Déantar leis seo na hachtacháin a luaitear sa Dara Sceideal a aisghairm a mhéid a shonraítear sa Sceideal sin. | ||||||||||||||||||||||||||||||||
[EN] | (2) Ní dhéanfaidh aisghairm alt 1 den Offences against the Person Act, 1861, leis an Acht seo difear d'oibriú ailt 64 go 68 den Acht sin. | |||||||||||||||||||||||||||||||||
[EN] |
Gearrtheideal. |
10. —Féadfar an tAcht um Cheartas Coiriúil, 1990 , a ghairm den Acht seo. |