|
|||||
|
An Chéad Lch. | Lch. Roimhe Seo (CUID III Gléasra Tionscail a Cheadúnú) | Ar Aghaidh (CUID V Pleananna Bainisteoireachta Aercháilíochta agus Caighdeáin Aercháilíochta) |
AN tACHT UM THRUAILLIÚ AEIR, 1987
[EN] | ||
[EN] |
CUID IV Limistéir faoi Rialú Speisialta | |
[EN] |
Limistéir faoi rialú speisialta. |
39. —(1) Aon uair a dhealraíonn sé d'údarás áitiúil gur chóir, d'fhonn truailliú aeir a chosc nó a theorannú, a dhearbhú maidir le hiomlán a limistéir feidhme nó aon chuid de gur limistéar faoi rialú speisialta é, féadfaidh sé ordú a dhéanamh faoin alt seo (dá ngairtear “ordú um limistéar faoi rialú speisialta” san Acht seo). |
[EN] | (2) Nuair a bheidh údarás áitiúil ag cinneadh an gá nó an fóirsteanach ordú um limistéar faoi rialú speisialta a dhéanamh i ndáil le haon limistéar, beidh aird aige ar na nithe seo a leanas— | |
[EN] | (a) minicíocht an truaillithe aeir sa limistéar agus an chúis atá leis, agus | |
[EN] | (b) aon phlean bainisteoireachta aercháilíochta a bheidh i bhfeidhm i ndáil leis an limistéar, agus | |
[EN] | (c) aon chaighdeán aercháilíochta iomchuí, agus | |
[EN] | (d) na deiseanna is gá chun an t-ordú a chomhlíonadh a bheith ar fáil, agus | |
[EN] | (e) an caiteachas a thabhófaí ag comhlíonadh an ordaithe. | |
[EN] | (3) Sonrófar in ordú um limistéar faoi rialú speisialta— | |
[EN] | (a) an limistéar lena mbaineann sé, | |
[EN] | (b) an truailleán a mbaineann sé leis, agus | |
[EN] | (c) na bearta a bheidh le déanamh agus na ceanglais a mbeidh éifeacht leo sa limistéar lena mbaineann an t-ordú. | |
[EN] | (4) Féadfaidh an tAire, más dóigh leis gur fóirsteanach déanamh amhlaidh d'fhonn truailliú aeir a chosc nó a theorannú, ag féachaint d'fhorálacha mhíreanna (a), (b), (c), (d) agus (e) d'fho-alt (2), treoir a thabhairt d'údarás áitiúil ordú um limistéar faoi rialú speisialta a dhéanamh i ndáil le cibé limistéar agus cibé truailleán a bheidh sonraithe sa treoir agus féadfaidh an tAire, más cuí leis, treoir bhreise a thabhairt gur chóir a shonrú leis an ordú go ndéanfar bearta áirithe agus go mbeidh éifeacht le ceanglais áirithe sa limistéar sin agus comhlíonfaidh an t-údarás áitiúil lena mbaineann aon treoir de chuid an Aire a thabharfar faoin bhfo-alt seo laistigh de cibé tréimhse a bheidh sonraithe sa treoir. | |
[EN] | (5) Féadfaidh údarás áitiúil, le toiliú aon údaráis áitiúil eile lena mbaineann, ordú um limistéar faoi rialú speisialta a dhéanamh i ndáil le limistéar atá laistigh de limistéar feidhme an údaráis eile. | |
[EN] | (6) (a) Faoi réir mhí (b), féadfaidh údarás áitiúil, le hordú faoi fho-alt (1), ordú um limistéar faoi rialú speisialta a chúlghairm nó a leasú. | |
[EN] | (b) Ní fhéadfaidh údarás áitiúil ordú um limistéar faoi rialú speisialta a dhéanfar de bhun treorach ón Aire faoi fho-alt (4) a chúlghairm nó a leasú ach amháin le toiliú an Aire. | |
[EN] | (7) Déanfaidh údarás áitiúil, ó am go ham agus uair amháin ar a laghad gach cúig bliana, gach ordú um limistéar faoi rialú speisialta a rinne sé, agus a bheidh fós i ngníomh, a athbhreithniú d'fhonn a chinneadh an gá nó an inmhianaithe an t-ordú a chúlghairm nó a leasú. | |
[EN] | (8) Is feidhm fhorchoimeádta a bheidh ann ordú um limistéar faoi rialú speisialta a dhéanamh, a chúlghairm nó a leasú agus toiliú a thabhairt faoi fho-alt (5) le hordú den sórt sin a dhéanamh. | |
[EN] |
Orduithe um limistéar faoi rialú speisialta. |
40. —(1) Gan dochar d'fhorálacha alt 39 (3), féadfar foráil a dhéanamh le hordú um limistéar faoi rialú speisialta le haghaidh na nithe seo a leanas: |
[EN] | (a) toirmeasc a chur, faoi réir cibé eisceachtaí nó teorainneacha a shonrófar, ar thruailleán sonraithe a astú ó aicmí nó ó thuairiscí sonraithe áitreabh; | |
[EN] | (b) toirmeasc a chur, faoi réir cibé eisceachtaí nó teorainneacha a shonrófar, ar aon bhreosla seachas breosla údaraithe a dhó seachas i dtinteán údaraithe; | |
[EN] | (c) toirmeasc a chur, faoi réir cibé eisceachtaí nó teorainneacha a shonrófar, ar thuí, fuíoll nó aon substaint eile a dhó; | |
[EN] | (d) forálacha éagsúla a dhéanamh, ag féachaint do na himthosca go léir, le haghaidh codanna éagsúla den limistéar lena mbaineann an t-ordú agus le haghaidh áitreabh éagsúil nó aicmí éagsúla áitreabh; | |
[EN] | (e) cibé áitribh nó cibé aicmí áitreabh a shonrófar, a dhíolmhú, fara nó d'uireasa coinníollacha, ó cheanglais uile an ordaithe nó ó aon cheanglais acu; | |
[EN] | (f) cibé tinteáin nó cibé aicmí tinteán a shonrófar, a dhíolmhú, fara nó d'uireasa coinníollacha, ó cheanglais uile an ordaithe nó ó aon cheanglais acu; | |
[EN] | (g) na cineálacha nó na cáilíochtaí breoslaí a shonrú a dhófar nó nach ndófar i cibé tinteáin nó aicmí tinteán a shonrófar; | |
[EN] | (h) na coinníollacha a shonrú ar faoina réir, nó na críocha a shonrú ar lena n-aghaidh, a fhéadfar breoslaí nó aicmí breoslaí sonraithe a dhó sa limistéar faoi rialú speisialta; | |
[EN] | (i) toirmeasc a chur ar cibé oibríochtaí nó próisis a bheidh sonraithe a sheoladh sa limistéar faoi rialú speisialta nó an seoladh sin a theorannú nó na coinníollacha a shonrú a bhféadfar na hoibríochtaí nó na próisis sin a sheoladh fúthu; | |
[EN] | (j) toirmeasc nó srianadh a chur ar bhreoslaí sonraithe nó ar aicmí breoslaí sonraithe a dhíol nó a sheachadadh i limistéar faoi rialú speisialta. | |
[EN] | (2) Féadfaidh an tAire, le rialacháin, a dhearbhú maidir le haon aicme áirithe tinteán gur tinteán údaraithe chun críocha ordú um limistéar faoi rialú speisialta a bheidh ann, faoi réir cibé coinníollacha a shonrófar sna rialacháin. | |
[EN] | (3) Féadfaidh an tAire, le rialacháin, a dhearbhú maidir le haon chineál áirithe breosla gur breosla údaraithe é chun críocha ordú um limistéar faoi rialú speisialta. | |
[EN] | (4) Aon duine a sháróidh aon fhoráil de chuid ordú um limistéar faoi rialú speisialta a bheidh i ngníomh beidh sé ciontach i gcion. | |
[EN] | (5) In aon imeachtaí maidir le sárú ar ordú um limistéar faoi rialú speisialta agus lena mbaineann astaíocht truailleáin, is cosaint mhaith é a shuíomh— | |
[EN] | (a) nárbh é ba chúis le hastaíocht an truailleáin breosla seachas breosla údaraithe a úsáid; | |
[EN] | (b) gurbh é ba chúis le hastaíocht an truailleáin breosla seachas breosla údaraithe a dhó i dtinteán údaraithe de réir na gcoinníollacha (más ann) ar faoina réir a dearbhaíodh gur tinteán údaraithe an tinteán. | |
[EN] |
Ordú um limistéar faoi rialú speisialta a dhaingniú. |
41. —(1) A luaithe is féidir tar éis d'údarás áitiúil ordú um limistéar faoi rialú speisialta a dhéanamh, foilseoidh sé, i nuachtán nó i nuachtafada/>in a bheidh i gcúrsaíocht sa limistéar lena mbaineann an t-ordú, fógra— |
[EN] | (a) á rá go ndearnadh ordú um limistéar faoi rialú speisialta agus a shonróidh an limistéar lena mbaineann an t-ordú; | |
[EN] | (b) ag ainmniú áite ina bhféadfaidh aon duine leasmhar cóip den ordú agus aon léarscáil nó plean dá dtagraítear ann a iniúchadh saor in aisce; | |
[EN] | (c) a shonróidh na tráthanna agus an tréimhse, is tréimhse míosa ar a laghad, ar lena linn a fhéadfar an t-ordú, an léarscáil agus an plean (más ann) a iniúchadh amhlaidh; | |
[EN] | (d) a shonróidh an tréimhse, is tréimhse míosa ar a laghad, ar laistigh di a fhéadfaidh aon duine ar a bhfearann an -ordú agóidí a dhéanamh ina choinne agus an modh ar a bhféadfaidh duine den sórt sin agóidí a dhéanamh amhlaidh; | |
[EN] | (e) á rá nach dtiocfaidh an t-ordú i ngníomh go dtí go ndaingneoidh an tAire é; | |
[EN] | (f) á rá go ndéanfaidh an tAire, sa chás go ndéanfar agóidí go cuí in aghaidh an ordaithe agus nach dtarraingeofar siar iad, a chur faoi deara, sula ndaingneoidh sé an t-ordú nó sula ndiúltóidh sé é a dhaingniú, éisteacht ó bhéal a thionól ina dtabharfar an deis éisteacht a fháil d'aon duine a mbeidh, laistigh den tréimhse a sonraíodh san fhógra, agóid déanta aige in aghaidh an ordaithe. | |
[EN] | (2) A luaithe is féidir tar éis don tréimhse chun agóidí a dhéanamh a bheith caite, déanfaidh an t-údarás áitiúil lena mbaineann an t-ordú um limistéar faoi rialú speisialta a tharchur chuig an Aire lena dhaingniú agus, nuair a bheidh sé ag tarchur an ordaithe amhlaidh, tarchuirfidh sé chuig an Aire freisin aon agóidí a rinneadh laistigh den tréimhse shonraithe agus nach mbeidh tarraingthe siar. | |
[EN] | (3) I gcás nach mbeidh aon agóidí déanta, laistigh den tréimhse shonraithe, in aghaidh an t-ordú um limistéar faoi rialú speisialta a dhéanamh nó i gcás gach agóid den sórt sin a bheith tarraingthe siar, féadfaidh an tAire— | |
[EN] | (a) an t-ordú um limistéar faoi rialú speisialta a dhaingniú le hordú, fara nó d'uireasa modhnuithe, nó | |
[EN] | (b) diúltú an t-ordú a dhaingniú, nó | |
[EN] | (c) más dóigh leis go bhfuil sé inmhianaithe sin a dhéanamh, a chur faoi deara éisteacht ó bhéal a thionól i ndáil leis an ordú sula ndaingneoidh sé an t-ordú nó sula ndiúltóidh sé é a dhaingniú. | |
[EN] | (4) I gcás agóidí a bheith déanta, laistigh den tréimhse shonraithe, in aghaidh an t-ordú um limistéar faoi rialú speisialta a dhéanamh agus nach mbeidh na hagóidí sin tarraingthe siar cuirfidh an tAire faoi deara éisteacht ó bhéal a thionól i ndáil leis an ordú agus tabharfaidh sé deis do gach duine a rinne agóid go cuí in aghaidh an ordaithe éisteacht a fháil. | |
[EN] | (5) Nuair a bheidh tuarascáil (lena n-áirítear aon mholadh inti) an duine a thionól an éisteacht ó bhéal breithnithe ag an Aire, féadfaidh sé, le hordú, an t-ordú um limistéar faoi rialú speisialta a dhaingniú, fara nó d'uireasa modhnuithe, nó féadfaidh sé diúltú é a dhaingniú. | |
[EN] | (6) Nuair a bheidh an tAire ag cinneadh cibé acu a dhaingneoidh sé ordú um limistéar faoi rialú speisialta nó nach ndaingneoidh, beidh aird aige ar fhorálacha mhíreanna (a), (b), (c), (d) agus (e) d'alt 39 (2). | |
[EN] | (7) Gach ordú a dhéanfaidh an tAire faoin alt seo ag daingniú ordú um limistéar faoi rialú speisialta sonróidh sé dáta, nach déanaí ná sé mhí tar éis dháta déanta an ordaithe daingniúcháin, ar a dtiocfaidh an t-ordú um limistéar faoi rialú speisialta i ngníomh: ar choinníoll i gcónaí maidir leis an dáta a bheidh sonraithe amhlaidh i ndáil le hordú um limistéar faoi rialú speisialta— | |
[EN] | (a) a chúlghaireann ordú um limistéar faoi rialú speisialta roimhe sin, nó | |
[EN] | (b) a dhíolmhaíonn limistéir shonraithe nó foirgnimh shonraithe nó aicmí sonraithe foirgneamh ó gach ceann nó ó aon cheann de cheanglais an ordaithe um limistéar faoi rialú speisialta, | |
[EN] | go bhféadfadh gurb ionann an dáta sin agus dáta déanta an ordaithe daingniúcháin nó aon dáta tar éis an dáta sin. | |
[EN] | (8) Déanfaidh an t-údarás áitiúil lena mbaineann fógra i dtaobh ordú a dhéanamh ag daingniú ordú um limistéar faoi rialú speisialta agus i dtaobh an dáta a thiocfaidh an t-ordú um limistéar faoi rialú speisialta i ngníomh a fhoilsiú, a thabhairt nó a sheirbheáil i cibé slí a ordóidh an tAire. | |
[EN] |
Éisteachtaí ó bhéal. |
42. —(1) Is duine arna cheapadh ag an Aire chun na críche sin a stiúrfaidh éisteacht ó bhéal i ndáil le hordú um limistéar faoi rialú speisialta a thionólfar de bhun alt 41 (3) nó (4). |
[EN] | (2) Féadfaidh duine a bheidh ag stiúradh éisteachta ó bhéal a cheangal ar aon oifigeach de chuid údaráis áitiúil lena mbaineann aon fhaisnéis a éileoidh sé go réasúnach chun críche na héisteachta a thabhairt dó agus beidh sé mar dhualgas ar an oifigeach lena mbaineann déanamh de réir an cheanglais. | |
[EN] | (3) (a) Féadfaidh duine a bheidh ag stiúradh éisteachta ó bhéal cuairt a thabhairt ar áitreabh agus é a iniúchadh chun aon chríche is dóigh leis is gá i ndáil leis an ordú um limistéar faoi rialú speisialta arb é is ábhar don éisteacht. | |
[EN] | (b) Beidh aon duine ciontach i gcion a bhacfaidh feidhmiú cumhachta a thugtar leis an bhfo-alt seo. | |
[EN] | (4) Féadfaidh duine a bheidh ag stiúradh éisteachta ó bhéal fianaise a ghlacadh faoi mhionn agus féadfaidh sé chun na críche sin daoine a chur faoi mhionn, agus beidh duine a bheidh ag tabhairt fianaise i dteideal na ndíolúintí agus na bpribhléidí céanna a mbeadh sé ina dteideal dá mba fhinné os comhair na hArd-Chúirte é. | |
[EN] | (5) (a) Faoi réir mhír (b), féadfaidh duine a bheidh ag stiúradh éisteachta ó bhéal, trí fhógra i scríbhinn sa chéill sin chuig duine ar bith, a cheangal ar an duine sin freastal cibé tráth agus ionad a bheidh sonraithe san fhógra chun fianaise a thabhairt i ndáil le haon ábhar a bheidh i gceist ag an éisteacht nó aon leabhair, gníomhais, conarthaí, léarscáileanna, pleananna, nó doiciméid eile a thabhairt ar aird a bheidh ina sheilbh, faoina choimeád nó faoina rialú agus a bhaineann le haon ábhar den sórt sin. | |
[EN] | (b) Beidh éifeacht ag na forálacha seo a leanas chun críocha na míre sin roimhe seo: | |
[EN] | (i) ní gá do dhuine freastal de réir fógra in ionad a bheidh níos mó ná deich míle slí óna ghnáth-áit chónaithe mura mbeifear tar éis cibé suim a chlúdóidh na costais réasúnacha agus riachtanacha a bhaineann leis an bhfreastal a íoc leis nó a thairiscint dó; | |
[EN] | (ii) déanfaidh an t-údarás áitiúil, ar iarratas ón duine a bheidh ag stiúradh na héisteachta ó bhéal, cibé suim a íoc le haon duine nó a thairiscint d'aon duine a gceanglaítear air freastal is suim a mheasfaidh an duine a bheidh ag stiúradh na héisteachta a chlúdóidh na costais réasúnacha agus riachtanacha a bhaineann leis an bhfreastal; | |
[EN] | (iii) maidir le haon duine a d'fhreastail de réir fógra ar aon áit déanfaidh an t-údarás áitiúil, ach amháin sa mhéid gur íocadh leis cheana na costais réasúnacha agus riachtanacha a bhain leis an bhfreastal, na costais sin a íoc leis, agus beidh na costais sin ach amháin mar a dúradh, mura n-íocfar amhlaidh iad, inghnóthaithe mar fhiach conartha shimplí in aon chúirt dlínse inniúla; | |
[EN] | (iv) gach duine dár tugadh fógra agus a dhiúltóidh nó a fhailleoidh go toiliúil freastal de réir an fhógra nó a dhéanfaidh go toiliúil aon doiciméad lena mbaineann an fógra a athrú, a cheilt, a fholú nó a scriosadh nó tar éis dó freastal amhlaidh, a dhiúltóidh fianaise a thabhairt nó a dhiúltóidh nó a mhainneoidh go toiliúil aon doiciméad lena mbaineann an fógra a thabhairt ar aird, beidh sé ciontach i gcion. | |
[EN] | (6) I gcás go ndéanfar éisteacht ó bhéal a stiúradh thar ceann an Aire faoin Acht seo ag duine a bheidh arna cheapadh chun na críche ag an Aire, tabharfaidh an duine a bheidh ceaptha amhlaidh don Aire tuarascáil i scríbhinn ar an éisteacht agus áireoidh sé ina thuarascáil moladh i dtaobh an ábhair lenar bhain an éisteacht. | |
[EN] |
Ordú um limistéar faoi rialú speisialta a mhaolú nó a fhionraí. |
43. —(1) Más rud é, tráth ar bith, gur dóigh leis an Aire gur gá sin a dhéanamh, féadfaidh sé, le hordú, oibriú ordaithe um limistéar faoi rialú speisialta a fhionraí nó a mhaolú i ndáil le hiomlán limistéir faoi rialú speisialta nó i ndáil le haon chuid de, go ceann cibé tréimhse a shonrófar san ordú. |
[EN] | (2) Sula ndéanfaidh an tAire ordú faoi fho-alt (1), rachaidh sé i gcomhairle leis an údarás áitiúil lena mbaineann, ach amháin sa chás nárbh fhéidir dul i gcomhairle amhlaidh de bharr phráinn na hócáide. | |
[EN] | (3) Féadfaidh an tAire ordú faoin alt seo (lena n-áirítear faoin bhfo-alt seo) a leasú nó a chúlghairm le hordú. | |
[EN] | (4) Ní mór d'údarás áitiúil fógra a fhoilsiú ar cibé modh a ordóidh an tAire, á rá go ndearnadh ordú faoin alt seo. | |
[EN] |
Cumhacht údaráis áitiúil a cheangal athruithe a dhéanamh ar áitribh. |
44. —(1) Féadfaidh údarás áitiúil, trí fhógra i scríbhinn a sheirbheálfar ar an duine ar dóigh leis gurb é is úinéir nó áititheoir ar áitreabh— |
[EN] | (a) atá laistigh de limistéar faoi rialú speisialta, nó | |
[EN] | (b) a bheidh, nuair a thiocfaidh an t-ordú um limistéar faoi rialú speisialta a dhaingnigh an tAire i ngníomh, laistigh de limistéar den sórt sin, | |
[EN] | a cheangal ar úinéir nó áititheoir an áitribh cibé athruithe ar an áitreabh a dhéanamh a bheidh sonraithe san fhógra. | |
[EN] | (2) Maidir le fógra faoi fho-alt (1)— | |
[EN] | (a) sonrófar ann na hoibreacha is dóigh leis an údarás áitiúil a bheith riachtanach chun go gcomhlíonfar an t-ordú um limistéar faoi rialú speisialta; | |
[EN] | (b) ordóidh sé don duine ar a seirbheálfar an fógra cibé oibreacha a bheidh sonraithe san fhógra a sheoladh nó a chur faoi deara iad a sheoladh; | |
[EN] | (c) sonrófar ann tréimhse (is tréimhse nach giorra ná ocht lá is fiche dar tús dáta seirbheála an fhógra agus dar críoch tráth nach luaithe ná an dáta a thiocfaidh an t-ordú um limistéar faoi rialú speisialta i ngníomh) ar laistigh di a bheidh na hoibreacha sin le cur i gcrích; | |
[EN] | (d) sonrófar ann go bhféadfaidh an duine ar ar seirbheáladh an fógra uiríll i scríbhinn i ndáil le téarmaí an fhógra a dhéanamh chun an údaráis áitiúil laistigh den tréimhse a bheidh luaite san fhógra. | |
[EN] | (3) Ní mór don údarás áitiúil breithniú a dhéanamh ar aon uiríll a dhéanfar chuige go cuí laistigh den tréimhse a bheidh sonraithe san fhógra agus más dóigh leis, tar éis dó na huiríll sin a bhreithniú, go bhfuil sé réasúnach déanamh amhlaidh, féadfaidh sé an fógra a leasú nó a chúlghairm. | |
[EN] | (4) Ní mór do dhuine ar a seirbheálfar fógra faoin alt seo ceanglais an fhógra nó, de réir mar a bheidh, ceanglais an fhógra arna leasú a chomhlíonadh laistigh den tréimhse shonraithe. | |
[EN] | (5) I gcás nach ndéanfaidh duine ar ar seirbheáladh fógra faoin alt seo ceanglais an fhógra nó, de réir mar a bheidh, ceanglais an fhógra arna leasú, a chomhlíonadh laistigh den tréimhse a sonraíodh, féadfaidh an t-údarás áitiúil a sheirbheáil an fógra cibé bearta a dhéanamh is dóigh leis a bheith réasúnach agus riachtanach chun an comhlíonadh sin a urrú. | |
[EN] | (6) Féadfaidh údarás áitiúil aon chaiteachais a tabhaíodh de bhíthin fheidhmiú na gcumhachtaí a thugtar dóibh le fo-alt (5) a ghnóthú ón duine ar ar seirbheáladh fógra faoin alt seo mar fhiach conartha shimplí in aon chúirt dlínse inniúla. | |
[EN] |
Cúnamh airgid le haghaidh oibreacha áirithe. |
45. —(1) Féadfaidh an tAire, le toiliú an Aire Airgeadais, scéim nó scéimeanna a dhéanamh chun cúnamh airgid a thabhairt i ndáil le hiomlán na gcostas, nó i ndáil le haon chuid de na costais, a thabhóidh úinéir nó áititheoir áitribh a bheidh suite laistigh de limistéar faoi rialú speisialta chun go gcomhlíonfaidh an t-áitreabh ceanglais ordaithe um limistéar faoi rialú speisialta nó fógra faoi alt 44. |
[EN] | (2) Gan dochar do ghinearáltacht fho-alt (1) beidh feidhm ag na forálacha seo a leanas maidir le scéim faoin alt seo: | |
[EN] | (a) féadfar a fhoráil le scéim den sórt sin go ndéanfaidh údarás áitiúil nó cibé duine nó comhlacht eile (lena n-áirítear an tAire) a shonrófar sa scéim í a riaradh go hiomlán nó go páirteach; | |
[EN] | (b) féadfar a fhoráil le scéim den sórt sin go gcinnfidh an tAire nó aon duine eile (lena n-áirítear eadránaí) aon díospóid a éireoidh maidir le teideal aon duine chun aon chúnaimh airgid is iníoctha faoin scéim nó maidir le méid aon chúnaimh airgid den sórt sin; | |
[EN] | (c) foilseofar fógra ar cibé modh is dóigh leis an Aire is iomchuí á rá go ndearnadh scéim den sórt sin. | |
[EN] | (3) Féadfaidh an tAire, le toiliú an Aire Airgeadais, scéim a rinne sé faoin alt seo a leasú nó a chúlghairm. |