|
|||||
|
[EN] | ||
Uimhir 17 de 1960. | ||
[EN] |
AN tACHT MADRAÍ (BEOSTOC A CHOSAINT), 1960. | |
[An tiontú oifigiúil.] |
ACHT CHUN BEOSTOC A CHOSAINT AR A gCIAPADH AG MADRAÍ, 1960. [16 Meitheamh, 1960.] |
ACHTAÍTEAR AG AN OIREACHTAS MAR LEANAS:— | ||
[EN] |
Léiriú |
1. —San Acht seo— |
[EN] | cialaíonn “talamh talmhaíochta” talamh a úsáidtear mar thalamh airiúil, mar thalamh móinéir nó mar thalamh féaraigh, | |
[EN] | ciallaíonn “beostoc” eallach, caoire, muca, éanlaith clóis nó capaill, | |
[EN] | folaíonn “áititheoir” duine is úinéir agus is áititheoir chomh mhaith le duine nach bhfuil ann ach áititheoir. | |
[EN] |
Cion maidir le ciapadh beostoic ag madra. |
2. —(1) I gcás ina gciapfaidh madra beostoc ar thalamh talmhaíochta, beidh úinéir an mhadra, agus, más duine seachas an t-úinéir a mbeidh an madra faoina chúram, beidh an duine sin freisin, ciontach i gcion, muran é an duine ar leis an madra nó a mbeidh an madra faoina chúram— |
[EN] | (a) áititheoir na talún, duine dá líon tí nó duine a bheidh ar fostú aige, nó | |
[EN] | (b) úinéir an bheostoic, duine dá líon tí nó duine a bheidh ar fostú aige. | |
[EN] | (2) Is cosaint mhaith in ionchúiseamh i leith ciona faoin alt seo má chruthaíonn an cosantóir gur glacadh cúram réasúnach nach gcaipfaí an beostoc. | |
[EN] | (3) Aon duine a bheidh ciontach i gcion faoin alt seo dlífear ar é a chiontú go hachomair— | |
[EN] | (a) ach amháin i gcás lena mbaineann mír (b) den fho-alt seo, fíneáil nach mó ná fiche punt a chur air, agus | |
[EN] | (b) i gcás inar ciontaíodh an duine roimhe sin i gcion faoin alt seo i leith an mhadra chéanna, fíneáil nach mó ná caoga punt a chur air. | |
[EN] |
Madra a bhí ag ciapadh beostoic a cheapadh. |
3. —(1) Más rud é i gcás madra a gheofar ar thalamh talmhaíochta— |
[EN] | (a) go raibh an madra ag ciapadh beostoic ar an talamh, agus | |
[EN] | (b) nach mbeidh aon duine i láthair a admhóidh gur leis an madra nó go bhfuil an madra faoina chúram, | |
[EN] | féadfaidh comhalta den Gharda Síochána an madra a cheapadh agus air sin beidh feidhm ag na forálacha d'ailt 3 agus 9 den Dogs Act, 1906, a bhaineann le madraí fáin ceaptha. | |
[EN] | (2) Más rud é, i gcás madra a gheofar ar thalamh talmhaíochta ag ciapadh beostoic a bheidh go dleathach ar an talamh, nach mbeidh aon duine i láthair a admhóidh gur leis an madra nó go bhfuil an madra faoina chúram, féadfaidh an fáltóir an madra a cheapadh agus é a sheachadadh do chomhalta den Gharda Síochana ag an stáisiún Garda Síochána is gaire do láthair, agus air sin beidh feidhm ag na forálacha d'ailt 3 agus 9 den Dogs Act, 1906, a bhaineann le madraí fáin ceaptha. | |
[EN] |
Cosaint i gcaingean le haghaidh damáistí mar gheall ar mhadra a lámhach. |
4. —In aon chaingean le haghaidh damáistí mar gheall ar mhadra a lámhach, is cosaint mhaith má chruthaíonn an cosantóir— |
[EN] | (a) go ndearnadh an madra a lámhach agus é ag ciapadh beostoic ar thalamh talmhaíochta, | |
[EN] | (b) gur go dleathach a bhí an beostoc ar an talamh, | |
[EN] | (c) gurbh é an cosantóir— | |
[EN] | (i) áititheoir na talún, duine dá líon tí nó duine a bhí ar fostú aige, nó | |
[EN] | (ii) úinéir an bheostoic, duine dá líon tí nó duine a bhí ar fostú aige, agus | |
[EN] | (d) gur chuir an cosantóir an lámhach in iúl, laistigh d'ocht n-uaire a chloig is daichead, do chomhalta den Gharda Síochána ag an stáisiún Garda Síochána ba ghaire do láthair. | |
[EN] |
Gearrtheideal. |
5. —Féadfar an tAcht Madraí (Beostoc a Chosaint), 1960 , a ghairm den Acht seo. |