|
|||||
|
An Chéad Lch. | Lch. Roimhe Seo (CUID IV. Seirbhísí Traenach a Scor agus Iarnróid agus Canálacha a Dhúnadh.) | Ar Aghaidh (AN CHEAD SCEIDEAL. Achtacháin a Athghairmtear.) |
AN tACHT IOMPAIR, 1958
[EN] | ||
[EN] |
CUID V. Iompar de Bhóithre. | |
[EN] |
An Bord a dhíolmhadh ó cheanglas i dtaobh ceadúnas paisnéirí. |
24. —Ní bheidh feidhm maidir leis an mBord ag alt 7 den Acht um Iompar ar Bhóithre, 1932 , a choisceann ród-sheirbhís do phaisnéirí a bheith ar siúl gan ceadúnas paisnéirí. |
[EN] |
Srian le ródsheirbhísí do phaisnéirí a thionscnamh agus a athrú. |
25. —(1) Ní dhéanfaidh an Bord, gan toiliú an Aire, aon ródsheirbhís do phaisnéirí a thionscnamh ná aon ród-sheirbhís do phaisnéirí a bheidh á hoibriú aige de thuras na huaire a athrú chun dul i gcomórtas le ród-sheirbhís phaisnéirí cheadúnaithe. |
[EN] | (2) Má tharlaíonn aon cheist i dtaobh aon seirbhís nó athrú, láithreach nó beartaithe, a bheith i gcomórtas amhlaidh, cuirfear an cheist faoi bhráid an Aire agus is cinneadh críochnaitheach a chinneadh. | |
[EN] | (3) Déanfaidh an Bord de réir cibé treoracha a bhéarfaidh an tAire dó chun críocha an ailt seo. | |
[EN] |
Fuascailt ón oblagáid chun pláta feithicle a iompar. |
26. —(1) Tá feidhm ag an alt seo maidir le:— |
[EN] | (a) feithicil atá á húsáid ag cuideachta údaraithe (iompartha mharsantais) chun críocha a gnó, agus | |
[EN] | (b) feithicil atá á húsáid chun páipéir Domhnaigh a imdháil faoi cheadúnas marsantais nach mbaineann ach leis sin amháin. | |
[EN] | (2) D'ainneoin ailt 34 den Acht um Iompar ar Bhóithre, 1933 ní bheidh de cheangal ann go mbeidh pláta feithicle ar fheithicil lena mbaineann an t-alt seo agus ní eiseofar aon phláta i leith na feithicle sin. | |
[EN] |
Beodhíle a iompar d'fheirmeoirí comharsan. |
27. —(1) D'ainneoin ailt 9 den Acht um Iompar ar Bhóithre, 1933 , féadfaidh duine ar feirmeoireacht a aon-ghairm nó a phríomh-ghairm bheatha agus nach bhfuil ceadúnas marsantais aige, beodhíle a iompar ar luaíocht i bhfeithicil a bheidh á tarraingt ag tarraicire talmhaíochta leis agus ar inmhuirir dleacht mháil ina leith de réir an ráta a shonraítear i bhfo-mhír (c) de mhír 4 de Chuid I den Sceideal a ghabhann leis an Acht Airgeadais (Dleachta Máil) (Feithiclí), 1952 , más beodhíle iad le duine a chónaíonn dhá mhíle ar a mhéid ó áit chónaithe an iompróra agus go mbeidh an bheodhíle á n-iompar go dtí feirm nó uaithi nó go dtí nó ó láthair cheantála beodhíle nó áit ina mbeidh margadh nó aonach ar siúl, a bheidh sonraithe le hordú ón Aire faoin alt seo, an lá a bheidh an cheaint, an margadh nó an t-aonach sin ar siúl agus nach mbeidh siad á n-iompar i gceachtar treo ar aon chuid de bhóthar poiblí a bheidh breis agus fiche míle de bhóthar poiblí ó áit chónaithe an iompróra. |
[EN] | (2) Féadfaidh an tAire, le hordú, margaí agus aontaí a shonrú chun críocha an ailt seo. | |
[EN] | (3) Féadfaidh an tAire, le hordú, ordú faoin alt seo a chúlghairm nó a leasú. | |
[EN] |
Tarraingt neamhdhleathach: an dara cion agus cionta ina dhiaidh sin. 1907, c. 17. |
28. —(1) Má chiontaítear duine i gcion faoi alt 9 den Acht um Iompar ar Bhóithre, 1933 , ní lú ná deich bpuint an fhíneáil a bheidh le forchur ag an gcúirt i leith an dara ciona a dhéanfaidh sé laistigh de chúig bliana tar éis déanamh an chéad chiona agus ní bheidh an fhíneáil i leith gach ciona a dhéanfaidh sé ina dhiaidh sin laistigh d'aon tréimhse chúig mblian níos lú ná dhá oiread na fíneála íosta a fhorordaítear leis an alt seo i leith an chiona díreach roimhe sin, ach sin faoi réir fíneála uasta trí chéad agus fiche punt in ionad na fíneála uasta a shonraítear san alt sin 9. |
[EN] | (2) I dteannta na fíneála, féadfaidh an Chúirt a ordú go bhforghéillfear aon fheithicil nó feithiclí inneall-ghluaiste ar leo a rinneadh an dara cion nó aon chion ina dhiaidh sin. | |
[EN] | (3) Déanfar aon fheithiclí inneallghluaiste a ordófar a fhorghéilleadh amhlaidh a dhiúscairt i cibé slí a ordóidh an tAire agus an t-airgead uile a thiocfaidh den diúscairt sin a íoc isteach sa Stát-Chiste nó a chur chun tairbhe don Stát-Chiste i cibé slí a ordóidh an tAire Airgeadais. | |
[EN] | (4) Ni bheidh feidhm ag fo-alt (1) d'alt 1 den Probation of Offenders Act, 1907, i gcás an dara ciona nó aon chiona ina dhiaidh sin den sórt sin. | |
[EN] |
Laraithe agus tarraicirí neamhluchtaithe a allmhuiriú. |
29. —(1) Déantar leis seo alt 7 den Acht um Iompar ar Bhóithre 1935, a chuireann srian le hallmhuiriú laraithe agus tarraicirí luchtaithe a bheidh ag tarraingt foileantóirí luchtaithe, a leasú trí mhír (b) d'fho-alt (1) a scriosadh, d'fhonn go mbainfidh an t-alt le laraithe agus tarraicirí neamhluchtaithe mar an gcéanna. |
[EN] | (2) Ní bheidh feidhm ag an alt maidir le hallmhuiriú laraithe agus tarraicirí ag aon duine i gcúrsa a thrádála i laraithe agus tarraicirí sa cháil sin. |