|
|||||
|
An Chéad Lch. | Lch. Roimhe Seo (AN tACHT IASCAIGH (LEASÚ), 1958) | Ar Aghaidh (CUID II. Cumhachtaí Ilghnéitheacha leis an Aire.) |
AN tACHT IASCAIGH (LEASÚ), 1958
[EN] | ||
[EN] |
CUID I. Réamhráiteach agus Ginearálta. | |
[EN] |
Gearrtheideal agus comhlua. |
1. —(1) Féadfar an tAcht Iascaigh (Leasú), 1958 , a ghairm den Acht seo. |
[EN] | (2) Féadfar na hAchta Iascaigh, 1842 go 1958, a ghairm de na hAchta Iascaigh, 1842 go 1956, agus den Acht seo le chéile. | |
[EN] |
Tosach feidhme. |
2. —(1) Tiocfaidh an tAcht seo (ach amháin ailt 4, 6, 9 go 18, 23, 24, 28 go 30 agus an Chéad Sceideal agus an Dara Sceideal) i ngníomh láithreach ar é a bheith rite. |
[EN] | (2) Tiocfaidh na forála seo a leanas den Acht seo, eadhon, ailt 4, 6, 9 go 18 agus an Chéad Sceideal agus an Dara Sceideal i ngníomh an 1ú lá de Nollaig, 1958. | |
[EN] | (3) Tiocfaidh na forála seo a leanas den Acht seo, eadhon, ailt 23, 24 agus 28 go 30 i ngníomh pé lá nó laethanta a socrófar chuige sin le hordú ón Aire i gcoitinne nó maidir le haon fhoráil áirithe agus féadfar laethanta éagsúla a shocrú amhlaidh i gcóir forál éagsúla den tsórt sin. | |
[EN] |
Léiriú i gcoitinne. |
3. —(1) San Acht seo— |
[EN] | ciallaíonn an abairt “na hAchta”na hAchta Iascaigh, 1842 go 1956; | |
[EN] | ciallaíonn an abairt “Acht 1848”an Fisheries (Ireland) Act, 1848; | |
[EN] | ciallaíonn an abairt “Acht 1850”an Fisheries (Ireland) Act, 1850; | |
[EN] | ciallaíonn an abairt “Acht 1925”an t Acht Iascaigh, 1925 (Uimh. 32 de 1925) ; | |
[EN] | ciallaíonn an abairt “Acht 1934”an t Acht Iascaigh (Uiscí Taoide), 1934 (Uimh. 24 de 1934) ; | |
[EN] | ciallaíonn an abairt “Acht 1939”an t Acht Iascaigh, 1939 (Uimh. 17 de 1939) : | |
[EN] | ciallaíonn an abairt “an tAire”an tAire Tailte; | |
[EN] | ciallaíonn an abairt “bliain thoghcháin”an bhliain 1958 agus gach tríú bliain chomhleanúnach ina dhiaidh sin; | |
[EN] | ciallaíonn an abairt “gnáth-cheadúnas iascaireachta”ceadúnas iascaireachta arna eisiúint faoi Chaibidil I de Chuid V den Acht seo; | |
[EN] | ciallaíonn an abairt “dleacht ghnáth-cheadúnais”an dleacht is iníoctha faoi Chaibidil I de Chuid V den Acht seo ar ghnáthcheadúnas iascaireachta; | |
[EN] | ciallaíonn an abairt “ceadúnas iascaireachta oisrí”ceadúnas iascaireachta arna eisiúint faoi Chuid IX den Acht seo; | |
[EN] | ciallaíonn an abairt “ceadúnas slaite bradán”ceadúnas chun bradáin d'iascach le slait agus ruaim; | |
[EN] | ciallaíonn an abairt “gnáth-cheadúnas slaite bradán”gnáthcheadúnas iascaireachta chun bradáin d'iascach le slait agus ruaim; | |
[EN] | ciallaíonn an abairt “gnáth-cheadúnas (bliantúil) slaite bradán” gnáth-cheadúnas slaite bradán a bheidh bailí go ceann tréimhse bliana agus a bheidh ar fáil lena úsáid i ngach ceantar iascaigh; | |
[EN] | ciallaíonn an abairt “gnáth-cheadúnas (bliantúil) (ceantair) slaite bradán”gnáth-cheadúnas slaite bradán a bheidh bailí go ceann tréimhse bliana agus a bheidh ar fáil lena úsáid i gceantar iascaigh an bhoird choimeádaithe d'eisigh é agus sa cheantar iascaigh sin amháin; | |
[EN] | ciallaíonn an abairt “ceadúnas slaite bradán (Límistéar an Fheabhail)”ceadúnas slaite bradán arna eisiúint de bhun rialachán faoi Acht Iascaigh an Fheabhail, 1952 (Uimh. 5 de 1952) , agus a bheidh bailí go ceann bliana; | |
[EN] | ciallaíonn an abairt “gnáth-cheadúnas (séasúr déanach) slaite bradán”gnáth-cheadúnas slaite bradán a bheidh bailí go ceann tréimhse sé mhí dar tosach an chéad lá d'Iúil agus a bheidh ar fáil lena úsáid i ngach ceantar iascaigh; | |
[EN] | ciallaíonn an abairt “gnáth-cheadúnas (séasúr déanach) (ceantar) slaite bradán”gnáth-cheadúnas slaite bradán a bheidh bailí go ceann tréimhse sé mhí dar tosach an chéad lá d'Iúil agus a bheidh ar fáil lena úsáid i gceantar iascaigh an bhoird choimeádaithe d'eisigh é agus sa cheantar iascaigh sin amháin; | |
[EN] | ciallaíonn an abairt “gnáth-cheadúnas (seacht lá) slaite bradán” gnáth-cheadúnas slaite bradán a bheidh bailí go ceann tréimhse seacht lá; | |
[EN] | ciallaíonn an abairt “gnáth-cheadúnas (lá agus fiche) slaite bradán”gnáth-cheadúnas slaite bradán a bheidh bailí go ceann tréimhse lae agus fiche; | |
[EN] | ciallaíonn an abairt “inneall sceidealta”inneall den tsórt a sonraítear sa Dara Sceideal a ghabhas leis an Acht seo; | |
[EN] | tá leis an abairt “ceadúnas áitiúil speisialta”an bhrí a bheirtear dó le hAcht 1934; | |
[EN] | ciallaíonn an abairt “uiscí taoide speisialta”aon uiscí taoide a bhfuil ordú, arna dhéanamh faoi alt 2 d'Acht 1934, i bhfeidhm ina leith de thuras na huaire. | |
[EN] | (2) Forléireofar an tAcht seo agus na hAchta mar aon ní amháin. | |
[EN] | (3) San Acht seo, forléireofar tagairtí d'aon achtachán mar thagairtí don achtachán sin arna leasú le haon achtachán ina dhiaidh sin, lena n-áirítear an tAcht seo. | |
[EN] |
Athghairm. |
4. —Déantar leis seo na hachtacháin a sonraítear sa Chéad Sceideal a ghabhas leis an Acht seo d'athghairm a mhéid a sonraítear i gcolún (3) den Sceideal sin. |