Uimhir 8 de 1949.

AN tACHT CÚIRTEANNA BREITHIÚNAIS (AN CHÚIRT DÚICHE), 1949.

[An tiontó oifigiúil.]

ACHT DO LEASÚ FORÁL ÁIRITHE, A BHAINEAS LEIS AN gCÚIRT DÚICHE, DE NA h ACHTA CÚIRTEANNA BREITHIÚNAIS, 1924 GO 1947. [18ú Bealtaine, 1949.]

ACHTAÍTEAR AG AN OIREACHTAS MAR LEANAS:—

1. —San Acht seo ciallaíonn an abairt “Acht 1946” an t Acht Cúirteanna Breithiúnais (An Chúirt Dúiche), 1946 (Uimh. 21 de 1946) .

2. —(1) (a) San alt seo ciallaíonn an abairt “an Coiste” coiste ar a mbeidh—

(i) an Príomh-Bhreitheamh,

(ii) Uachtarán na hArd-Chúirte, agus

(iii) an tArd-Aighne.

(b) Féadfaidh an Coiste gníomhú trí thromlach dá chomhaltaí agus is leor de dhílse-dheimhniú ar bharántas faoin alt seo é a bheith sínithe ag beirt chomhaltaí den Choiste.

(2) I gcás—

(a) Breitheamh den Chúirt Dúiche, ar cúig bliana seascad a aois scoir faoi alt 15 d'Acht 1946, a bheith ar tí an aois sin a shlánú, agus

(b) é do chruthú chun sástachta an Choiste nach bhfuil sé faoi aon mhíchumas a bhéarfadh go mbeadh sé neamhoiriúnach chun leanúint de dhualgais a oifige a chomhlíonadh go héifeachtúil,

féadfaidh an Coiste, más cuí leo é tar éis dul i gcomhairle leis an Aire Dlí agus Cirt, trí bharántas a déanfar sar a slánóidh an Breitheamh sin an aois sin, é a choimeád in oifig ar feadh bliana dar tosach an dáta a shlánós sé an aois sin.

(3) I gcás—

(a) Breitheamh den Chúirt Dúiche lena mbainfidh barántas faoi fho-alt (2) den alt seo nó faoin bhfo-alt seo a bheith ar tí sé bliana seascad, seacht mbliana seascad, ocht mbliana seascad nó naoi mbliana seascad (do réir mar bheas) d'aois a shlánú, agus

(b) é do chruthú chun sástachta an Choiste nach bhfuil sé faoi aon mhíchumas a bhéarfadh go mbeadh sé neamhoiriúnach chun leanúint de dhualgais a oifige a chomhlíonadh go héifeachtúil,

féadfaidh an Coiste, más cuí leo é tar éis dul i gcomhairle leis an Aire Dlí agus Cirt, trí bharántas a déanfar sar a slánóidh an Breitheamh sin an aois sin, é a choimeád in oifig ar feadh bliana dar tosach an dáta a shlánós sé an aois sin.

(4) Beidh éifeacht ag forála an ailt seo d'ainneoin aon ní in alt 15 d'Acht 1946.

3. —In Acht 1946, cuirfear an t-alt seo a leanas in ionad ailt 16—

16. “Ní raghaidh líon na mBreithiún thar a dó ceathrachad tráth ar bith.”

4. —Déantar leis seo na hachtacháin a sonraítear i gcolún (2) den Sceideal a ghabhas leis an Acht seo d'athghairm a mhéid a sonraítear in colún (3) den Sceideal sin.

5. —(1) Féadfar an tAcht Cúirteanna Breithiúnais (An Chúirt Dúiche), 1949, a ghairm den Acht seo.

(2) Féadfar na h Achta Cúirteanna Breithiúnais, 1924 go 1949, a ghairm de na h Achta Cúirteanna Breithiúnais, 1924 go 1947, agus den Acht seo le chéile.