|
|||||
|
An Chéad Lch. | Lch. Roimhe Seo (CUID IV. Galar Aicideach agus Foiriciu.) | Ar Aghaidh (Caibidil III. Forála Fo-ghabhálacha.) |
AN tACHT SLÁINTE, 1947
[EN] | ||
[EN] |
Caibidil II. Daoine agus earraí seadacha. | |
[EN] |
Forchúraim atá le glacadh ag daoine seadacha. |
46. —(1) Aon duine ar feasach dó é féin a bheith seadach, déanfaidh sé, i dteannta na bhforchúram dá bhforáltar go sonrach leis an Acht seo nó faoi, gach forchúram réasúnach a ghlacadh chun ná foiriceoidh sé daoine eile le seadra. |
[EN] | (2) Aon duine ar a mbeidh cúram duine eile agus ar feasach dó, nó a mbeidh cúis réasúnach aige chun a chreidiúint, an duine eile sin a bheith seadach, déanfaidh sé, i dteannta aon fhorchúram dá bhforáltar go sonrach leis an Acht seo nó faoi, gach forchúram réasúnach eile a ghlacadh chun ná foiriceoidh an duine eile sin daoine eile le seadra. | |
[EN] | (3) Is tuigthe go críochnaitheach cúis a bheith ag duine chun a chreidiúint é féin nó duine ar bith eile a bheith seadach má chuireann dochtúir oifigiúil sláinte nó cigire sláinte sin in iúl dó. | |
[EN] | (4) Duine ar bith a shárós fo-alt (1) nó (2) den alt seo beidh sé ciontach i gcion faoin alt seo agus ar a chiontú ann ar an slí achomair dlífear fíneáil nach mó ná cúig puint a chur air. | |
[EN] |
Forchúraim atá le glacach maidir le hearraí seadacha. |
47. —(1) I dteannta aon fhorchúraim a ghlacadh dá bhforáltar go sonrach leis an Acht seo nó faoi, glacfaidh duine gach forchúram réasúnach eile chun cosc a chur le húsáid nó nochtadh aon earra, ar a urlámhas nó ar urlámhas duine faoina chúram, a mbeidh cúis réasúnach aige chun a chreidiúint í a bheith seadach i slí a chuirfeadh daoine eile, nó earraí le daoine eile, i gcontúirt a bhfoiricithe le seadra. |
[EN] | (2) I dteannta aon fhorchúraim a ghlacadh a hordófar i rialacháin faoi alt 49 den Acht seo, glacfaidh duine gach forchúram réasúnach eile chun cosc a chur le héinne ar fostú aige d'úsáid nó do nochtadh aon earra a mbeidh cúis réasúnach ag an duine sin chun a chreidiúint í a bheith seadach i slí a chuirfeadh daoine eile, nó earraí le daoine eile, i gcontúirt a bhfoiricithe le seadra. | |
[EN] | (3) Is tuigthe go críochnaitheach cúis a bheith ag duine chun a chreidiúint earra a bheith seadach má chuireann dochtúir oifigiúil sláinte nó cigire sláinte sin in iúl dó. | |
[EN] | (4) Duine ar bith a shárós fo-alt (1) nó (2) den alt seo beidh sé ciontach i gcoin faoin alt seo agus ar a chiontú ann ar an slí achomair dlífear fíneáil nach mó ná cúig puint a chur air. | |
[EN] |
Toirmeasc ar leanbh seadach d'fhreastal scoile. |
48. —(1) I gcás ina bhfaighfidh dochtúir oifigiúil ceantair fios ar leanbh a mbeidh cónaí air ina cheantar a bheith seadach, féadfaidh sé fógra a sheirbheáil sa tslí ordaithe ar thuiste an linbh á thoirmeasc an leanbh d'fhreastal aon scoile go dtí go dtabharfaidh an dochtúir oifigiúil ceantair sin deimhniú (ná gearrfar aon mhuirear ina leith) á dheimhniú go bhfuil an leanbh i dtreo chun scoil d'fhreastal. |
[EN] | (2) I gcás ina seirbheálfar fógra faoi fho-alt (1) den alt seo ar thuiste linbh agus ina gcuirfidh an tuiste sin an leanbh go dtí aon scoil nó ina gceadóidh don leanbh aon scoil d'fhreastal i rith na tréimhse idir dháta an fhógra a sheirbheáil agus dáta an deimhnithe dá dtagartar sa bhfo-alt sin a thabhairt, beidh an tuiste sin ciontach i gcoin faoin alt seo agus ar a chiontú ann ar an slí achomair dlífear fíneáil nach mó ná cúig punt a chur air. | |
[EN] |
Rialacháin chun cosc a chur le foiriciú a leathadh. |
49. —(1) Féadfaidh an tAire rialacháin a dhéanamh ag ordú forchúram a bheas le glacadh ag dílseánaigh aon tsaghais bhunaíochta agus ag na daoine a bheas ag obair ann más é tuairim an Aire go bhfuil contúirt speisialta ann go leathnóidh foiriciú daoine agus earrai ón mbunaíocht sin. |
[EN] | (2) Ní bheidh i rialacháin a déanfar faoin alt seo aon fhoráil chun daoine a ghlanadh ná a dhífhoiriciú go héigeanta. | |
[EN] | (3) Féadfaidh rialacháin faoin alt seo socrú a dhéanamh chun oifigigh don Aire, agus údaráis sláinte agus a n-oifigigh, d'fhorfheidhmiú agus d'fhorghníomhú na rialachán sin agus féadfaid freisin, le toiliú an Aire Rialtais Áitiúil, socrú a dhéanamh chun oifigigh d'údaráis sláintíochta dá bhforfheidhmiú agus dá bhforghníomhú. | |
[EN] | (4) Duine ar bith a shárós rialachán faoin alt seo nó a bhacfas go toiliúil forghníomhú rialacháin faoin alt seo beidh sé ciontach i gcion faoin alt seo agus ar a chiontú ann ar an slí achomair dlífear fíneáil nach mó ná deich bpuint a chur air agus, i gcás ciona leanúnaigh, fíneáil bhreise nach mó ná punt in aghaidh gach lae a leanfar den chion. | |
[EN] |
Údaráis sláinte do dhéanamh socruithe chun daoine, foirgintí etc., seadacha a dhífhoiriciú. |
50. —(1) Déanfaidh údarás sláinte socruithe chun dífhoiriciú a dhéanamh— |
[EN] | (a) ar dhuine éatach seadach, ar é dá iarraidh sin; | |
[EN] | (b) ar leanbh seadach, ar a thuiste dá iarraidh sin nó do thoiliú leis; | |
[EN] | (c) ar fhoirgint nó déanmhas seadach ina líomatáiste feidhme, ar áititheoir na foirginte nó an déanmhais sin dá iarraidh sin, nó | |
[EN] | (d) ar fheithicil, árthach, aerárthach nó earra sheadach ina líomatáiste feidhme, ar únaer na feithicle, an árthaigh, an aeráthaigh nó hearra sin dá iarraidh sin nó ar a ghníomhaire dá iarraidh sin. | |
[EN] | (2) Ní déanfar dífhoiriciú ar bhaineannaigh faoin alt seo ach amháin ag dochtúir leighis cláraithe, nó ag bean a bheas údaraithe go cuí ag príomh-dhochtúir oifigiúil an údaráis sláinte. | |
[EN] | (3) D'ainneoin forál ailt 51 den Acht seo ní gearrfar aon mhuirear i leith dífhoiricithe a déanfar ar dhuine nó ar a éadaí faoin alt seo. |