|
|||||
|
An Chéad Lch. | Lch. Roimhe Seo (ACHT NA nOISPIDÉAL, 1939) |
ACHT NA nOISPIDÉAL, 1939
[EN] | ||
[EN] |
SCEIDEAL. Nithe go bhfeadfar socru dheanamh ina dtaobh in Ordu Bunuchain. | |
1. An cháilíocht is gá bheith ag baill an Bhúird. | ||
2. Baill den Bhord do thogha no do cheapadh (le n-a n-áirmhítear cólucht do bhunú chun aon bhaill den Bhord nach údaráis áitiúla thoghfaidh no cheapfaidh iad do thogha no do cheapadh). | ||
3. Sealbhaíocht oifige agus dí-cháilíocht bhall den Bhord agus iad d'eirghe as oifig. | ||
4. Cathaoirleach agus leas-chathaoirleach ar an mBord do thogha. | ||
5. Cruinnithe an Bhúird agus an nós imeachta ag na cruinnithe sin. | ||
6. Oifigigh agus seirbhísigh an Bhúird (le n-a n-áirmhítear oifigí go gcaithfear daoine do cheapadh chúcha do luadh). | ||
7. An Bord do bhunú fundúireachtaí nua. | ||
8. An Bord do chur deireadh le sean-fhundúireachtaí. | ||
9. An Bord do bhainistí agus do rialú fundúireachtaí bheidh á gcothabháil acu, na coinníollacha agus an nós imeachta bhainfidh le hothair do ghlacadh isteach sna fundúireachtaí sin agus na táillí (más ann dóibh) a héileofar as othair do chothabháil agus do chóireáil ionta. | ||
10. An Bord do chur maoine de láimh. | ||
11. Na híocaíochtaí (más ann dóibh) a bheidh le n-íoc ag údaráis áitiúla leis an mBord. | ||
12. Costaisí an Bhúird d'íoc agus na rann-íocanna (más ann dóibh) a bheidh le n-íoc ag údaráis áitiúla chuige sin. | ||
13. Na cuntaisí bheidh le coimeád ag an mBord (le n-a n-áirmhítear comhacht do thabhairt don Aire chun na gcuntaisí sin do rialáil). | ||
14. Eadach othar do dhí-ghalrú agus an Bord d'íoc cúitimh in aon díobháil a déanfar dá dheascaibh sin. | ||
15. An Bord do dhéanamh íoca (i gcásanna cearta) i gcostas adhlaicthe othar bocht a gheobhaidh bás. | ||
16. An Bord do sholáthar éadaigh (i gcásanna cearta) d'othair bhochta. | ||
17. Oifigigh don Aire agus oifigigh d'údaráis áitiúla d'iniúchadh fundúireachtaí bheidh á gcothabháil ag an mBord. | ||
18. An Bord do thabhairt eolais don Aire, d'údaráis áitiúla, d'oifigigh don Aire agus d'oifigigh d'údaráis áitiúla. | ||
19. Baint do bheith, go n-atharú no gan atharú, leis an mBord ag achtachán ar bith i dtaobh éinní acu so leanas, sé sin le rá:— | ||
(a) oifigigh agus seirbhísigh d'údaráis áitiúla i gcoitinne no d'údaráis áitiúla d'aicme áirthe do cheapadh agus a sealbhaíocht oifige agus a rialú i gcoitinne, | ||
(b) údaráis áitiúla d'íoc aois-liúntais no cúitimh i gcailliúint oifige no fostaíochta le n-a n-oifigigh no le n-a seirbhísigh, | ||
(c) údaráis áitiúla do chó-cheannach soláthairtí d'earraí, | ||
(d) údaráis áitiúla do chur a gcuid maoine fé árachas, | ||
(e) údaráis áitiúla i gcoitinne no údaráis áitiúla d'aicme áirithe do thógaint tailimh agus ceartanna ar thalamh go héigeanta, | ||
(f) cuntaisí údarás áitiúil d'iniúchadh, | ||
(g) údaráis áitiúla i gcoitinne no údaráis áitiúla d'aicme áirithe do dhéanamh connarthaí. | ||
20. An tAire do dhéanamh rialachán i dtaobh an Bhúird agus i dtaobh na bhfundúireachtaí bheidh á gcothabháil ag an mBord. | ||
21. Einní leanann as na nithe luaidhtear sa Sceideal so no ghabhann leis na nithe sin. |