Uimhir 47.

ACHT UM DHLÍTHE ATÁ AG DUL IN EUG, 1923.

DE BHRÍ go bhfuil na hAchtanna atá luaidhte sa Chéad Sceideal a ghabhann leis an Acht so agus i gCuid I. den Dara Sceideal a ghabhann leis an Acht so, sa mhéid go bhfuilid i bhfeidhm i Saorstát Éireann agus sa mhéid gur diombuan a ré, go bhfuilid le dul in eug ar an 31adh lá de Mhí na Nodlag, 1923:

AGUS DE BHRÍ go bhfuil na hAchtanna atá luaidhte i gCoda II., III. agus IV. den Dara Sceideal a ghabhann leis an Acht so, sa mhéid gur diombuan a ré, go bhfuilid le dul in eug ar an 27adh lá de Mhárta, 1924, an 31adh lá de Mhárta, 1924, agus an 31adh lá de Mhí na Nodlag, 1924, fé seach:

AGUS DE BHRÍ go bhfuil sé oiriúnach na hAchtanna atá luaidhte sa Chéad Sceideal agus sa Dara Sceideal a ghabhann leis an Acht so agus na hachtacháin le n-a leasuítear iad no a dhineann difir dóibh do dhéanamh buan, agus do chimeád beo, fé seach mar a luaidhtear san Acht so:

ACHTUIGHEADH OIREACHTAS SHAORSTAIT ÉIREANN AR AN ÁBHAR SAN MAR LEANAS:—

1. —(1) Déanfar Achtanna buana de sna hAchtanna atá luaidhte sa Chéad Sceideal a ghabhann leis an Acht so, sa mhéid a háirítear sa triú colún den Sceideal san, agus aon fhoráil atá in aon Acht atá i bhfeidhm ar dháta rithe an Achta so agus a chuireann teora leis an tréimhse a bheidh aon cheann de sna hAchtanna so no aon choda dhíobh i bhfeidhm raghaidh a héifeacht in eug.

(2) Aon achtacháin nár hathghairmeadh agus a dhineann leasú ar na hachtacháin a dintear buan leis an alt so, no a dhineann difir dóibh, déanfar buan iad sa chuma chéanna, sa mhéid gur diombuan a ré, pe'ca táid luaidhte sa Chéad Sceideal a ghabhann leis an Acht so no ná fuilid.

2. —(1) Cimeádfar beo go dtí an 31adh lá de Mhí na Nodlag, 1924, na hAchtanna atá luaidhte sa Dara Sceideal a ghabhann leis an Acht so, sa mhéid a háiritear sa triú colún den sceideal san, agus raghaid in eug ansan mara gcimeádtar beo níos sia iad.

(2) Aon achtacháin nár hathghairmeadh agus a dhineann leasú ar na hachtacháin a cimeádtar beo leis an alt so, no a dhineann difir dóibh, cimeádfar beo iad sa chuma chéanna, sa mhéid gur diombuan a ré, pe'ca táid luaidhte sa Dara Sceideal a ghabhann leis an Acht so no ná fuilid.

3. —Féadfar an tAcht um Dhlithe atá ag Dul in Eug, 1923 , do ghairm den Acht so.