|
||||
|
An Chéad Lch. | Lch. Roimhe Seo (CUID I Réamhráiteach agus Ginearálta) | Ar Aghaidh (CUID III Gléasra Tionscail a Cheadúnú) |
AN tACHT UM THRUAILLIÚ AEIR, 1987
[EN] | ||
[EN] |
CUID II Forálacha Ginearálta a Bhaineann le Truailliú Aeir | |
[EN] |
Cosc ar astaíochtaí áirithe. |
23. —Chun truailliú aeir a chosc nó a theorannú féadfaidh an tAire, le rialacháin— |
[EN] | (a) cibé astaíochtaí a bheidh sonraithe, | |
[EN] | (b) táirgeadh, cóireáil, úsáid, allmhairiú, cur ar an margadh, dáileadh nó díol aon substainte (seachas breosla) a d'fhéadfadh a bheith ina cúis le truailliú aeir, | |
a thoirmeasc, go hiomlán, nó faoi réir cibé eisceachtaí a bheidh sonraithe sna rialacháin. | ||
[EN] |
Oibleagáid truailliú aeir a chosc. |
24. —(1) Ní mór d'áititheoir aon áitribh, seachas teaghais phríobháideach, leas a bhaint as an dóigh is fearr is féidir le hastaíocht ón áitreabh sin a theorannú agus, más féidir, a chosc. |
[EN] | (2) Ní chuirfidh áititheoir aon áitribh faoi deara ná ní cheadóidh sé astaíocht a theacht as an áitreabh sin i gcainníocht a d'fhágfadh nó ar shlí a d'fhágfadh gur núis í. | |
[EN] | (3) In aon ionchúiseamh mar gheall ar shárú ar an alt seo, is cosaint mhaith é a shuíomh— | |
[EN] | (a) gur baineadh leas as an dóigh ab fhearr ab fhéidir leis an astaíocht lena mbaineann a chosc nó a theorannú, nó | |
[EN] | (b) go raibh an astaíocht lena mbaineann de réir ceadúnais faoin Acht seo, nó | |
[EN] | (c) go raibh an astaíocht lena mbaineann de réir luach teorann astaíochta, nó | |
[EN] | (d) go raibh an astaíocht lena mbaineann de réir ordú um limistéar faoi rialú speisialta a bhí i ngníomh i ndáil leis an limistéar lena mbaineann, nó | |
[EN] | (e) i gcás astaíocht deataigh, go raibh an astaíocht lena mbaineann de réir rialacháin faoi alt 25, nó | |
[EN] | (f) nach raibh an astaíocht ina cúis le truailliú aeir. | |
[EN] |
Toirmeasc ar dheatach a astú. |
25. —(1) Chun truailliú aeir a chosc nó a theorannú féadfaidh an tAire, le rialacháin, astaíocht deataigh isteach san atmaisféar ó aon áitreabh a thoirmeasc nó a shrianadh. |
[EN] | (2) Gan dochar do ghinearáltacht fho-alt (1), fédfaidh rialacháin faoin alt seo— | |
[EN] | (a) na háitribh a mbaineann na rialacháin leo a shonrú, | |
[EN] | (b) an cineál deataigh a mbaineann na rialacháin leis a shonrú, | |
[EN] | (c) toirmeasc a dhéanamh, go hiomlán nó faoi réir eisceachtaí sonraithe, ar astaíocht deataigh ó áitribh shonraithe ag tráthanna nó ag tréimhsí sonraithe, | |
[EN] | (d) astaíochtaí deataigh ó áitribh shonraithe ar feadh tréimhsí sonraithe a dhíolmhú, faoi réir coinníollacha nó gan choinníollacha, ó aon fhoráil d'fhorálacha na rialachán, | |
[EN] | (e) toirmeasc nó srianadh a dhéanamh, faoi réir cibé eisceachtaí a bheidh sonraithe, ar dhó tuí, fuíll nó aon substainte eile i cibé áitribh nó ag cibé tráthanna a bheidh sonraithe. | |
[EN] | (3) In aon ionchúiseamh mar gheall ar shárú ar an alt seo nó ar rialacháin arna ndéanamh faoin alt seo, is cosaint mhaith é a shuíomh— | |
[EN] | (a) gur baineadh leas as an dóigh ab fhearr ab fhéidir leis an astaíocht lena mbaineann a chosc nó a theorannú, nó | |
[EN] | (b) go raibh an astaíocht lena mbaineann de réir ceadúnais faoin Acht seo, nó | |
[EN] | (c) go raibh an astaíocht lena mbaineann de réir luach teorann astaíochta, nó | |
[EN] | (d) go raibh an astaíocht lena mbaineann de réir ordú um limistéar faoi rialú speisialta a bhí i ngníomh i ndáil leis an limistéar lena mbaineann. | |
[EN] |
Cumhacht údaráis áitiúil a cheangal bearta a dhéanamh chun truailliú aeir a chosc nó a theorannú. |
26. —(1) Aon uair is dóigh le húdarás áitiúil gur gá déanamh amhlaidh chun truailliú aeir a chosc nó a theorannú, féadfaidh an t-údarás áitiúil fógra faoin alt seo a sheirbheáil ar áititheoir aon áitribh óna dtagann astaíocht. |
[EN] | (2) Nuair a bheidh údarás áitiúil ag breithniú an cóir fógra a sheirbheáil faoin alt seo, beidh aird aige ar na nithe seo a leanas— | |
[EN] | (a) aon phlean bainisteoireachta aercháilíochta i ndáil leis an limistéar ina bhfuil an t-áitreabh suite, | |
[EN] | (b) aon ordú um limistéar faoi rialú speisialta atá i ngníomh i ndáil leis an limistéar ina bhfuil an t-áitreabh suite, | |
[EN] | (c) aon luach teorann astaíochta iomchuí, | |
[EN] | (d) aon chaighdeán aercháilíochta iomchuí, | |
[EN] | (e) na deiseanna a bheith ar fáil is gá chun an fógra a chomhlíonadh, agus | |
[EN] | (f) an caiteachas a thabhófaí ag comhlíonadh an fhógra. | |
[EN] | (3) Maidir le fógra de bhun an ailt seo— | |
[EN] | (a) sonrófar ann na bearta is dóigh leis an údarás áitiúil a sheirbheáil an fógra a bheith riachtanach chun truailliú aeir a chosc nó a theorannú, | |
[EN] | (b) ordóidh sé don duine ar seirbheáladh an fógra air cibé bearta a dhéanamh chun truailliú aeir a chosc nó a theorannú a bheidh sonraithe san fhógra, agus | |
[EN] | (c) sonróidh sé tréimhse (nach lú ná ceithre lá dhéag ag tosú ar dháta seirbheála an fhógra) ar laistigh di a bheidh na bearta sin le déanamh. | |
[EN] | (4) Maidir le fógra faoin alt seo— | |
[EN] | (a) féadfar é a sheirbheáil cibé acu a bhí nó nach raibh ionchúiseamh ann mar gheall ar chion faoin Acht seo i ndáil leis an astaíocht lena mbaineann; | |
[EN] | (b) ní dhéanfaidh sé dochar do thionscnamh ionchúisimh faoin Acht seo mar gheall ar chion i ndáil leis an astaíocht lena mbaineann. | |
[EN] | (5) Duine ar seirbheáladh fógra faoin alt seo air féadfaidh sé, laistigh de cibé tréimhse a bheidh sonraithe san fhógra cibé uiríll i scríbhinn is cuí leis a dhéanamh chuig an údarás áitiúil i dtaobh théarmaí an fhógra agus féadfaidh an t-údarás áitiúil, tar éis dó aon uiríll den sórt sin a bhreithniú, an fógra a leasú nó a chúlghairm. | |
[EN] | (6) Duine ar seirbheáladh fógra faoin alt seo air déanfaidh sé, laistigh den tréimhse shonraithe, ceanglais an fhógra, nó de réir mar a bheidh, an fhógra arna leasú, a chomhlíonadh. | |
[EN] | (7) Mura ndéanann duine ar seirbheáladh fógra faoin alt seo air, ceanglais an fhógra a chomhlíonadh laistigh den tréimhse a bheidh sonraithe san fhógra nó san fhógra arna leasú, de réir mar a bheidh, féadfaidh an t-údarás áitiúil a sheirbheáil an fógra cibé bearta a dhéanamh is dóigh leis a bheith réasúnach agus riachtanach chun a áirithiú go gcomhlíonfar an fógra agus féadfaidh sé aon chaiteachas a thabhóidh sé leis sin a ghnóthú ón duine ar ar seirbheáladh an fógra mar fhiach conartha shimplí in aon chúirt dlínse inniúla. | |
[EN] |
Cumhacht údaráis áitiúil bearta a dhéanamh chun truailliú aeir a chosc nó a theorannú. |
27. —(1) Aon uair is dóigh le húdarás áitiúil go bhfuil gá le bearta práinneacha chun cosc nó teorannú a dhéanamh ar thruailliú a fhearann ar aon chuid dá limistéar feidhme nó ar limistéar tadhlach, féadfaidh an t-údarás áitiúil cibé bearta a dhéanamh, cibé oibríochtaí a sheoladh nó cibé cúnamh a thabhairt is dóigh leis is gá chun an truailliú sin a chosc nó a theorannú nó chun iardraí aon truaillithe den sórt sin a leigheas. |
[EN] | (2) I gcás údarás áitiúil do dhéanamh beart, do sheoladh oibríochtaí nó do thabhairt cúnaimh faoin alt seo, féadfaidh an t-údarás áitiúil costais na mbeart, na n-oibríochtaí nó an chúnaimh sin a ghnóthú mar fhiach conartha shimplí in aon chúirt dlínse inniúla ó cibé duine a ndeimhneoidh an t-údarás áitiúil don chúirt gurb é an duine é arb é a ghníomh nó a neamhghníomh ba chúis leis na bearta, leis na hoibríochtaí nó leis an gcúnamh sin. | |
[EN] |
Cumhacht na hArd-Chúirte i ndáil le truailliú aeir. |
28. —(1) Féadfaidh an Ard-Chúirt, le hordú, ar iarratas ó údarás áitiúil nó ó aon duine eile astaíocht a thoirmeasc nó a shrianadh ó aon áitreabh más deimhin leis an gCúirt— |
[EN] | (a) go dtiocfadh mórphriacal truaillithe aeir ón astaíocht sin (nach astaíocht atá de réir ceadúnais arna dheonú faoin Acht seo) do leanúint ar aghaidh, nó | |
[EN] | (b) gur astaíocht í an astaíocht ó ghléasra tionscail de shárú ar théarmaí ceadúnais faoin Acht seo, nó | |
[EN] | (c) gur astaíocht í an astaíocht ó ghléasra tionscail dá n-éilítear ceadúnas faoin Acht seo agus nár deonaíodh aon cheadúnas den sórt sin i ndáil léi. | |
[EN] | (2) Maidir le hordú a dhéanfaidh an Ard-Chúirt ar iarratas faoin alt seo, féadfaidh cibé forálacha a bheith ann is cuí leis an gCúirt agus féadfar, go háirithe, forálacha a bheith ar áireamh ann— | |
[EN] | (a) á cheangal bearta sonracha a dhéanamh chun priacal truaillithe aeir a dhíbirt nó a laghdú; | |
[EN] | (b) á cheangal ar aon duine aon ní a dhéanamh, nó gan é a dhéanamh, nó scor de bheith á dhéanamh, de réir mar a bheidh, is ní is dóigh leis an gCúirt is gá agus a shonróidh sí san ordú chun a chinntiú go bhfoirceannfar nó go srianfar an astaíocht lena mbaineann nó, de réir mar a bheidh, go mbeidh sí de réir aon cheadúnais iomchuí faoin Acht seo; | |
[EN] | (c) i ndáil le híoc costas. | |
[EN] | (3) Is trí fhoriarratas a dhéanfar iarratas ar ordú faoin alt seo agus nuair a bheidh an Ard-Chúirt ag breithniú an ábhair féadfaidh sí cibé ordú eatramhach nó idirbhreitheach a dhéanamh is cuí léi. | |
[EN] | (4) Beidh éifeacht le hordú de chuid na hArd-Chúirte arna dhéanamh de bhun an ailt seo d'ainneoin théarmaí aon cheada arna thabhairt faoi aon achtachán eile i ndáil leis an áitreabh lena mbaineann. | |
[EN] |
Scéala a thabhairt faoi eachtra is cúis le truailliú aeir. |
29. —(1) Ní mór d'áititheoir aon áitribh, seachas teaghais phríobháideach, a luaithe is féidir tar éis aon eachtra a d'fhéadfadh a bheith ina chúis le truailliú aeir scéala i dtaobh na heachtra a thabhairt don údarás áitiúil iomchuí. |
[EN] | (2) San alt seo folaíonn “eachtra” astaíocht thionóisceach. |