|
||||
|
[EN] | ||
Uimhir 12 de 1959. | ||
[EN] |
AN tACHT RÓD-CHISTE (DEONTAIS AGUS AIRLEACAIN) (FORÁLACHA SEALADACHA), 1959. | |
[An tiontó oifigiúil.] |
ACHT DO DHÉANAMH FORÁLACHA SEALADACHA LE hAGHAIDH DEONTAS AGUS AIRLEACAN DON RÓD-CHISTE. [16 Meitheamh, 1959.] |
ACHTAÍTEAR AG AN OIREACHTAS MAR LEANAS :— | ||
[EN] |
Léiriú. |
1. —San Acht seo— |
[EN] | ciallaíonn “an tAire” an tAire Airgeadais ; | |
[EN] | ciallaíonn “blianta airgeadais lena mbaineann an tAcht seo” an chúig bhliain airgeadais chomhleanúnach arb í an chéad bhliain acu an bhliain airgeadais dar críoch an 31ú lá de Mhárta, 1960. | |
[EN] |
Deontais don Ród-Chiste. |
2. —Féadfaidh an tAire, gach ceann de na blianta airgeadais lena mbaineann an tAcht seo, deontas nach mó ná dhá chéad míle punt a dheonú don Ród-Chiste as airgead a sholáthróidh an tOireachtas. |
[EN] |
Airleacain don Ród-chiste. |
3. —(1) Féadfaidh an tAire, gach ceann de na blianta airgeadais lena mbaineann an tAcht seo, airleacan nach mó ná dhá chéad míle punt a thabhairt don Ród-Chiste as an bPríomhchiste nó a thoradh fáis. |
[EN] | (2) Na suimeanna go léir a airleacfar faoin alt seo, maraon le hús orthu de réir an ráta a shocróidh an tAire, muirearófar sin ar an Ród-Chiste agus beidh sin iníoctha as an gciste sin ar an modh a ordóidh an tAire. | |
[EN] |
Cumhacht chun airgead a fháil ar iasacht. |
4. —(1) Chun soláthar a dhéanamh le haghaidh airleacan as an bPríomhchiste faoin bhfo-alt roimhe seo, féadfaidh an tAire aon suim nó suimeanna a fháil ar iasacht ó dhuine ar bith, agus chun an céanna a fháil ar iasacht féadfaidh sé urrúis a chruthú agus a eisiúint agus iad faoi cibé ráta úis agus faoi réir cibé coinníollacha i dtaobh aisíoca, fuascailte nó eile, is oiriúnach leis, agus íocfaidh sé isteach sa Stát-Chiste an t-airgead a gheofar ar iasacht amhlaidh. |
[EN] | (2) Beidh príomhshuim agus ús aon urrús a eiseofar faoin alt seo agus aon chaiteachas faoina rachfar i ndáil leis na hurrúis sin a eisiúint ina mhuirear ar, agus iníoctha as, an bPríomhchiste nó a thoradh fáis. | |
[EN] |
Gearrtheideal. |
5. —Féadfar an tAcht Ród-Chiste (Deontais agus Airleacain) (Forálacha Sealadacha), 1959 , a ghairm den Acht seo. |