CUID V.

Ilghneitheach agus Generalta.

35. —Athghairmtear leis seo an méid sin d'fho-alt (3) d'alt 42 (alt a dheineann socrú chun diúité stampa do laigheadú i gcás aistriú áirithe ar urrúis ionmhargaidh) den Finance Act, 1920, a mhíníonn brí an fhocail “dealer” chun crícheanna an ailt sin, agus ina ionad san achtuítear leis seo go gcialluíonn an focal “dealer,” chun crícheanna an ailt sin, duine is ball de bhúrsa i Saorstát Éireann agus aithníonn Coiste an bhúrsa san mar dhuine ag á mbíonn gnó deighleálaí ar siúl.

36. —Léireofar an Chéad Sceideal a ghabhann leis an Stamp Act, 1891, agus beidh éifeacht aige fé is dá ndeintí saoirse (18) fén mírcheann “Receipt given for, or upon the payment of, money amounting to £2 or upwards” (eadhon, an tsaoirse do cuireadh isteach ann de bhuadh fo-ailt (2) d'Alt 38 den Acht Airgid, 1926 ( Uimh. 35 de 1926 ) ), do leasú tríd an bhfocal “four” do chur isteach in ionad an fhocail “three” atá anois sa tsaoirse sin.

37. —Pé uair a toirmeasctar le hAcht den Oireachtas no fé (ar n-a rith roimh an Acht so do rith no dá éis sin) aon earraí d'iomportáil isteach i Saorstát Éireann agus a deintear socrú leis an Acht céanna no le haon Acht eile chun ceadúnaisí do thabhairt amach chun na n-earraí sin d'iomportáil d'ainneoin an toirmisc sin, bainfidh alt 10 den Finance Act, 1901, mar a leasuítear agus a leathanuítear san le halt 7 den Finance Act, 1902, agus le halt 43 den Acht Airgid, 1932 ( Uimh. 20 de 1932 ), bainfidh agus, i gcás ceadúnaisí ar n-a dtabhairt amach fé Acht do ritheadh roimh an Acht so, tuigfear é do bhaint riamh le haon táille is inéilithe do réir reachta no fé údarás reachtúil ar na ceadúnaisí sin do thabhairt amach, agus le haon mhéadú no laigheadú i méid aon táille den tsórt san, agus le hathghairm an reachta no an údaráis reachtúla fé n-a bhfuil aon táille den tsórt san inéilithe, ar an gcuma gcéanna i ngach slí agus chó hiomlán agus dá mba dhiúité custum iomportála do réir bhrí an ailt sin 10 an táille sin.

38. —Cuirtear fé chúram agus fé bhainistí na gCoimisinéirí Ioncuim leis seo na cánacha agus na diúitéthe uile forchuirtear leis an Acht so.

39. —(1) Féadfar an tAcht Airgid, 1935 , do ghairm den Acht so.

(2) Léireofar Cuid I den Acht so i dteanta na nAchtanna Cánach Ioncuim agus léireofar Cuid II den Acht so, sa mhéid go mbaineann sí le diúitéthe custum, i dteanta na nAchtanna Custum agus, sa mhéid go mbaineann sí le diúitéthe máil, i dteanta na Reachtanna Briotáineacha agus na nAchtanna den Oireachtas a bhaineann leis na diúitéthe máil agus le bainistí na ndiúitéthe sin.

(3) Tuigfear Cuid I den Acht so do theacht i bhfeidhm an 6adh lá d'Abrán, 1935, agus beidh éifeacht aici an lá san agus ón lá san amach.