CUID II.

Custuim agus Mal.

10. —(1) Eileofar, gearrfar, agus íocfar, ar gach earra dá luaidhtear sa dara colún den Chéad Sceideal a ghabhann leis an Acht so agus a hiomportálfar isteach i Saorstát Éireann an 16adh lá de Bhealtaine, 1935, no dá éis sin, diúité custum do réir an ráta luaidhtear sa tríú colún den Sceideal san os coinne luadh na n-earraí sa dara colún san.

(2) I gcás ina bhfuil percentáiste curtha síos sa tríú colún den Chéad Sceideal a ghabhann leis an Acht so os coinne luadh aon carra sa dara colún den Sceideal san, léireofar san mar ní a chialluíonn ráta diúité is có-ionann leis an bpercentáiste sin de luach na hearra san.

(3) Na forálacha (más ann dóibh) atá leagtha amach sa cheathrú colún den Chéad Sceideal a ghabhann leis an Acht so ag aon uimhir thagartha sa Sceideal san, beidh éifeacht acu maidir leis an diúité luaidhtear ag an uimhir thagartha san.

11. —(1) Eileofar, gearrfar, agus íocfar, ar gach earra dá luaidhtear sa dara colún den Dara Sceideal a ghabhann leis an Acht so agus a hiomportálfar isteach i Saorstát Éireann an 16adh lá de Bhealtaine, 1935, no dá éis sin, diúité custum do réir an ráta luaidhtear sa tríú colún den Sceideal san os coinne luadh na hearra sa dara colún san.

(2) I gcás ina bhfuil percentáiste curtha síos sa tríú colún den Dara Sceideal a ghabhann leis an Acht so os coinne luadh aon earra sa dara colún den Sceideal san, léireofar san mar ní a chialluíonn ráta diúité is có-ionann leis an bpercentáiste sin de luach na hearra san.

(3) Déanfar alt 106 den Customs Consolidation Act, 1876, agus é á chur i mbaint le haon earra is ionchurtha fén diúité luaidhtear ag uimhir thagartha 15 sa Dara Sceideal a ghabhann leis an Acht so, do léiriú agus beidh éifeacht aige fé is dá ndeintí na focail “or shall be found to be of less value for home use than the amount of the drawback claimed” atá san alt san do leigint ar lár ann.

12. —(1) In ionad na ndiúitéthe custum, na n-ais-tarraicí custum agus an liúntais chustum atá anois ann (seachas diúitéthe forchuirtear le hordú reachtúil (a bheidh i bhfeidhm de thurus na huaire) ar n-a dhéanamh ag an Ard-Chomhairle agus ar n-a dhaingniú le hAcht den Oireachtas) alos siúicre, moláis, glúcóis agus sacairín, déanfar na diúitéthe custum a luaidhtear sa dara colún de Chuid I den Tríú Sceideal a ghabhann leis an Acht so d'éileamh, do ghearradh agus d'íoc alos an tsiúicre, an mholáis, an ghlúcóis agus an tsacairín go léir a hiomportálfar isteach i Saorstát Éireann an 16adh lá de Bhealtaine, 1935, no dá éis sin, agus déanfar na hais-tarraicí agus an liúntas atá leagtha amach i gCuid II den Sceideal san d'íoc agus do lomháil alos an tsiúicre, an mholáis, an ghlúcóis agus an tsacairín go léir a hiomportálfar amhlaidh.

(2) In ionad na ndiúitéthe máil, na n-ais-tarraicí máil agus an liúntais mháil atá anois ann alos siúicre, moláis, glúcóis agus sacairín, déanfar, an 16adh lá de Bhealtaine, 1935, agus dá éis sin, na diúitéthe máil a luaidhtear sa tríú colún agus sa cheathrú colún de Chuid I den Tríú Sceideal a ghabhann leis an Acht so d'éileamh, do ghearradh agus d'íoc alos an tsiúicre, an mholáis, an ghlúcóis agus an tsacairín go léir a déanfar i Saorstát Éireann agus na haistarraicí agus an liúntas atá leagtha amach i gCuid II den Sceideal san do lomháil agus d'íoc alos an tsiúicre, an mholáis, an ghlúcóis agus an tsacairín go léir a déanfar amhlaidh.

(3) Beidh feidhm ag alt 40 den Acht Airgid, 1932 ( Uimh. 20 de 1932 ), maidir leis na diúitéthe custum a forchuirtear leis an alt so fé mar atá feidhm ag an alt san maidir leis na diúitéthe atá luaidhte ann.

(4) Beidh feidhm ag na forálacha atá i gCuid III den Chéad Sceideal a ghabhann leis an Acht Airgid, 1925 (Uimh. 28 de 1925) , maidir leis na diúitéthe, na hais-tarraicí, agus na liúntaisí forchuirtear no lomháltar leis an alt so fé mar atá feidhm ag na forálacha san maidir leis na diúitéthe, na hais-tarraicí, agus na liúntaisí luaidhtear sa Chéad Sceideal san, ach san gus na hatharuithe agus fé réir na n-atharuithe seo leanas, sé sin le rá:—

(a) i gclás 5, cuirfear an 16adh lá de Bhealtaine, 1935, in ionad an 6adh lá de Bhealtaine, 1925;

(b) i gclás 7, déanfar an tagairt d'ailt 26 agus 27 den Acht Airgid, 1925 , adubhradh, do léiriú mar thagairt don alt so.

(5) Beidh feidhm ag alt 25 den Acht Airgid, 1931 ( Uimh. 31 de 1931 ), maidir leis na diúitéthe, na hais-tarraicí, agus na liúntaisí forchuirtear no lomháltar leis an alt so fé mar atá feidhm aige maidir leis na diúitéthe, na hais-tarraicí, agus na liúntaisí luaidhtear san alt san.

13. —(1) In ionad na ndiúitéthe custum is inéilithe fé alt 8 den Acht Airgid, 1931 ( Uimh. 31 de 1931 ), fé mar a leasuítear san no mar a deintear deifir do le hachtacháin ina dhiaidh sin, éileofar, gearrfar, agus íocfar ar na hearraí go léir (ach amháin iad san a luaidhtear anso ina dhiaidh seo) a hiomportálfar isteach i Saorstát Éireann an 16adh lá de Bhealtaine, 1935, no dá éis sin, agus a bheidh déanta de shiúicre no d'abhar eile chun milsithe no ina mbeidh siúicre no abhar den tsórt san, diúité custum do réir na rátaí seo leanas, sé sin le rá:—

(a) más do réir mheáchainte a horduítear sa liost oifigiúil iomportála an earra d'iontráil ar í d'iomportáil, do réir dhá phingin agus feoirling an púnt, agus

(b) más do réir tomhais a horduítear sa liost oifigiúil iomportála an earra d'iontráil ar í d'iomportáil, do réir scillinge agus aon phingin déag an galún.

(2) Ní déanfar an diúité forchuirtear leis an alt so d'éileamh ná do ghearradh ar aon earra acu so leanas, sé sin le rá:—

(a) beoir,

(b) lionn ubhall,

(c) ullmhóidí cócó,

(d) bainne có-dhlúite lán-uachtair,

(e) torthaí i sioróip agus iad i stáin no i gcannaí séaluithe,

(f) glúcós,

(g) luibh-bheoir,

(h) mil, agus mil shaordha d'áireamh,

(i) molás (agus siúicre iompála agus gach siúicre agus súgh siúicre eile nách féidir a thástáil go hiomlán leis an bpólariscóip),

(j) lionn pioraí,

(k) ullmhóidí chun snasuithe,

(l) annlainn no tarsainn ullamhuithe ina bhfliucháin no ina quasi-fhliucháin,

(m) sacairín (le n-a n-áirmhítear substaintí den nádúir chéanna no chun na húsáide céanna),

(n) galúnach agus púdar galúnaighe agus gach saghas abhair a húsáidtear in ionad galúnaighe,

(o) anairthí,

(p) biotáille,

(q) siúicre,

(r) earraí is ionchurtha fé dhiúité mar mhilseoga siúicre,

(s) uiscí búird,

(t) tobac,

(u) fíon.

(3) An diúité forchuirtear leis an alt so is diúité é i dteanta aon diúité is inéilithe de thurus na huaire fé ordú reachtúil ar n-a dhéanamh ag an Ard-Chomhairle agus ar n-a dhaingniú le hAcht den Oireachtas, agus fós is diúité é i dteanta aon diúité is inéilithe alos aon bhiotáille do húsáideadh i ndéanamh no in ullamhú na hearra, ach is diúité é in ionad aon diúité do bheadh inéilithe ar shlí eile ar aon táthchuid eile do húsáideadh i ndéanamh no in ullamhú na hearra.

(4) Beidh feidhm ag alt 40 den Acht Airgid, 1932 ( Uimh. 20 de 1932 ), maidir leis an diúité forchuirtear leis an alt so fé mar atá feidhm ag an alt san maidir leis na diúitéthe atá luaidhte ann.

14. —(1) Eileofar, gearrfar, agus íocfar, ar gach toradh amh d'aon tsaghas de sna saghsanna uile agus fé seach a luaidhtear sa dara colún den Cheathrú Sceideal a ghabhann leis an Acht so agus a hiomportálfar isteach i Saorstát Éireann an 16adh lá de Bhealtaine, 1935, no dá éis sin, diúité custum do réir an ráta luaidhtear sa tríú colún den Sceideal san os coinne luadh an tsaghais sin toraidh sa dara colún den Sceideal san.

(2) Déanfar diúité custum do réir trí pingne an púnt d'éileamh, do ghearradh agus d'íoc ar na torthaí uile d'aon tsaghas dá luaidhtear sa dara colún den Cheathrú Sceideal a ghabhann leis an Acht so (ach tagairtí d'am na hiomportála do leigint ar lár) ar n-a leasú in uisce (gan siúicre ná abhar eile chun milsithe ann) agus a hiomportálfar isteach i Saorstát Éireann an 16adh lá de Bhealtaine, 1935, no dá éis sin.

(3) Is dhá phingin go leith an púnt an ráta tosaíochta chun crícheanna an Achta Diúitéthe Custum (Rátaí Tosaíochta), 1934 ( Uimh. 19 de 1934 ), alos an diúité chustum a forchuirtear leis an bhfo-alt deiridh sin roimhe seo den alt so.

(4) Déanfar diúité custum do réir trí pingne an púnt d'éileamh, do ghearradh agus d'íoc ar an laoidhean no an súgh go léir a bheidh díorthuithe no ullamhuithe i bpáirt no go hiomlán o thorthaí d'aon tsaghas dá luaidhtear sa dara colún den Cheathrú Sceideal a ghabhann leis an Acht so (ach tagairtí d'am na hiomportála do leigint ar lár) agus a hiomportálfar isteach i Saorstát Éireann an 16adh lá de Bhealtaine, 1935, no dá éis sin.

(5) Déanfar diúité custum do réir cheithre pingne an púnt d'éileamh, do ghearradh agus d'íoc ar na hubhla go léir ar n-a leasú gan abhar chun milsithe (seachas ubhla ar n-a leasú in uisce gan abhar chun milsithe) agus a hiomportálfar isteach i Saorstát Éireann an 16adh lá de Bhealtaine, 1935, no dá éis sin.

(6) Pé uair is dóich leis an Aire Airgid, tar éis do dul i gcomhairle leis an Aire Talmhaíochta, gur ceart san do dhéanamh, féadfaidh na Coimisinéirí Ioncuim, le ceadúnas, a údarú d'aon duine áirithe, fé réir cólíonadh pé coinníollacha is oiriúnach leo d'fhorchur, aon earraí is ionchurtha fé dhiúité áirithe forchuirtear leis an alt so d'iomportáil gan an diúité sin do bheith íoctha ortha agus an iomportáil sin do dhéanamh gan teora maidir le n-a ham no le n-a méid no maidir le ceachtar acu no go dteora áirithe maidir le n-a ham no le n-a méid fé mar is dóich leis na Coimisinéirí Ioncuim is ceart.

15. —(1) Eileofar, gearrfar, agus íocfar ar gach earra acu so leanas a hiomportálfar isteach i Saorstát Éireann an 16adh lá de Bhealtaine, 1935, no dá éis sin, an diúité custum a luaidhtear anso ina dhiaidh seo alos na n-earraí sin, sé sin le rá:—

(a) ar aon torthaí acu so leanas a hiomportálfar i sioróip i stáin no i gcannaí séaluithe, sé sin le rá, sugha talmhan, spiúnáin, daimsíní, plumaí, sugha craobh, sméara dubha, cuiríní, agus glas-phlumaí—diúité custum do réir cheithre pingne go gceithre chúigiú an púnt;

(b) ar gach toradh eile a hiomportálfar i sioróip i stáin no i gcannaí séaluithe—diúité custum do réir dhá phingin go dhá chúigiú an púnt.

(2) Isiad na rátaí diúité seo leanas a bheidh fé seach mar rátaí tosaíochta chun crícheanna an Achta Diúitéthe Custum (Rátaí Tosaíochta) 1934 ( Uimh. 19 de 1934 ), alos na ndiúitéthe custum uile agus fé seach a forchuirtear leis an bhfo-alt deiridh sin roimhe seo den alt so, sé sin le rá:—

(a) alos an diúité luaidhtear i mír (a) den fho-alt deiridh sin roimhe seo—ráta cheithre pingne an púnt;

(b) alos an diúité luaidhtear i mír (b) den fho-alt deiridh sin roimhe seo—ráta dhá phingin an púnt.

(3) Gach diúité dá bhforchuirtear leis an alt so is diúité é i dteanta aon diúité is inéilithe alos aon bhiotáille no aon tsacairín atá san earra no do húsáideadh chun na hearra do dhéanamh no d'ullamhú, ach is diúité é in ionad gach diúité eile is inéilithe ar an earra.

16. —(1) Déanfar diúité custum do réir an ráta luaidhtear anso ina dhiaidh seo d'éileamh, do ghearradh agus d'íoc ar gach earra acu so leanas a hiomportálfar isteach i Saorstát Éireann an 16adh lá de Bhealtaine, 1935, no dá éis sin, sé sin le rá:—

(a) sceana (ar a n-áirmhítear sceana go bhfaobhar eagach) forcanna agus spúnóga bheidh déanta i bpáirt no go hiomlán d'iarann, no de chruaidh, no de chóimmiotal ina mbeidh nicil agus is dóich leis na Coimisinéirí Ioncuim do bheith ceaptha, déanta agus oiriúnach chun iad d'úsáid in obair thighis;

(b) beara cruaidhe chun faobhar do chur ar aon sceana den tsórt a luaidhtear sa mhír dheiridh sin roimhe seo den fho-alt so;

(c) compáirteanna (seachas cosa), a bheidh déanta i bpáirt no go hiomlán d'iarann no de chruaidh no de chóimmiotal ina mbeidh nicil, d'aon sceana, forcanna, spúnóga agus beara cruaidhe den tsórt a luaidhtear i gceachtar mír acu san roimhe seo den fho-alt so, pe'ca déanta go hiomlán no i bpáirt do sna compáirteanna san;

(d) sceana eite agus sceana póca fillteacha bheidh déanta i bpáirt no go hiomlán d'iarann no de chruaidh agus is dóich leis na Coimisinéirí Ioncuim do bheith ceaptha, déanta agus oiriúnach chun daoine dá n-iompar le n-úsáid chun crícheanna generálta;

(e) compáirteanna, a bheidh déanta i bpáirt no go hiomlán d'iarann no de chruaidh, d'aon sceana eite no sceana póca den tsórt a luaidhtear sa mhír dheiridh sin roimhe seo den fho-alt so, pe'ca déanta go hiomlán no i bpáirt do sna compáirteanna san;

(f) sceana bheidh déanta i bpáirt no go hiomlán d'iarann no de chruaidh agus is dóich leis na Coimisinéirí Ioncuim do bheith ceaptha, déanta agus oiriúnach chun iad d'úsáid chun ainmhithe do mharbhadh no chun conablaigh ainmhithe no na coda no na táirgthe de sna conablaigh sin do ghearradh agus d'ullamhú;

(g) beara cruaidhe chun faobhar do chur ar aon sceana den tsórt a luaidhtear sa mhír dheiridh sin roimhe seo den fho-alt so;

(h) compáirteanna (seachas cosa), a bheidh déanta i bpáirt no go hiomlán d'iarann no de chruaidh, d'aon sceana no beara cruaidhe den tsórt a luaidtear i gceachtar den dá mhír dheiridh sin roimhe seo den fho-alt so, pe'ca déanta go hiomlán no i bpáirt do sna compáirteanna san.

(2) Déanfar an diúité forchuirtear leis an bhfo-alt deiridh sin roimhe seo den alt so d'éileamh, do ghearradh agus d'íoc do réir pé ráta acu leanas gur as do gheobhfar, i ngach cás fé leith, an méid diúité is mó, sé sin le rá, do réir ráta is có-ionann le cúig seachtód per cent. de luach na hearra no do réir sé pingne ar gach earra.

(3) Bainfidh forálacha ailt 8 den Finance Act, 1919, leis an diúité forchuirtear leis an alt so ach an abairt “Saorstát Éireann” do chur in ionad na habairte “Great Britain and Ireland” agus fé is dá ndeintí carraí is ionchurtha fén diúité sin do chur sa Dara Sceideal a ghabhann leis an Acht san, sa liost d'earraí go gcuirtear dhá dtrian den lán-ráta i mbaint leo mar ráta tosaíochta.

(4) Déanfar an diúité forchuirtear leis an alt so d'éileamh agus do ghearradh i dteanta aon diúité eile is inéilithe.

(5) Pé uair is dóich leis an Aire Airgid, tar éis do dul i gcomhairle leis an Aire Tionnscail agus Tráchtála, gur ceart san do dhéanamh, féadfaidh na Coimisinéirí Ioncuim, le ceadúnas, a údarú d'aon duine áirithe, fé réir cólíonadh pé coinníollacha is oiriúnach leo d'fhorchur, aon carraí is ionchurtha fén diúité forchuirtear leis an alt so d'iomportáil gan an diúité sin do bheith íoctha ortha, agus an iomportáil sin do dhéanamh gan teora maidir le n-a ham no le n-a méid no maidir le ceachtar acu no go dteora áirithe maidir le n-a ham no le n-a méid, fé mar is dóich leis na Coimisinéirí Ioncuim is ceart.

17. —(1) Eileofar, gearrfar agus íocfar ar gach earra acu so leanas a hiomportálfar isteach i Saorstát Éireann an 16adh lá de Bhealtaine, 1935, no dá éis sin, diúité custum do réir an ráta luaidhtear anso ina dhiaidh seo alos na hearra san, sé sin le rá:—

(a) cluig no inneallartha cluig is dóich leis na Coimisinéirí Ioncuim do bheith có-ghabhtha go hiomlán no de mhórán —pé ráta acu so leanas gur as do gheobhfar i ngach cás fé leith an méid diúité is mó, sé sin le rá, suim is cóionann le cúig seachtód per cent. de luach na hearra no dhá scilling ar gach earra;

(b) earraí is dóich leis na Coimisinéirí Ioncuim is có-ghabhála de choda de chluig (gan earraí luaidhtear sa mhír dheiridh sin roimhe seo den fho-alt so d'áireamh, ná fós coda agus iad có-ghabhtha tré bhrughadh ná cásanna do chluig ná coda dhíobh san)—suim is có-ionann le cúig seachtód per cent. de luach na hearra;

(c) cásanna do chluig agus iad déanta ar fad no nách mór ar fad d'adhmad—pé ráta diúité acu so leanas gur as do gheobhfar i ngach cás fé leith an méid diúité is mó, sé sin le rá, suim is có-ionann le cúig seachtód per cent. de luach na hearra no cúig scillinge ar gach cás do chlog;

(d) compáirteanna (agus iad déanta ar fad no nách mór ar fad d'adhmad) de chásanna do chluig—suim is có-ionann le cúig seachtód per cent. de luach na hearra.

(2) Pé uair is dóich leis an Aire Airgid, tar éis do dul i gcomhairle leis an Aire Tionnscail agus Tráchtála, gur ceart san do dhéanamh, féadfaidh na Coimisinéirí Ioncuim, le ceadúnas, a údarú d'aon duine áirithe, fé réir cólíonadh pé coinníollacha is oiriúnach leo d'fhorchur, aon earraí is ionchurtha fén diúité forchuirtear leis an alt so d'iomportáil gan an diúité sin do bheith íoctha ortha, agus an iomportáil sin do dhéanamh gan teora maidir le n-a ham no le n-a méid no maidir le ceachtar acu no go dteora áirithe maidir le n-a ham no le n-a méid, fé mar is dóich leis na Coimisinéirí Ioncuim is ceart.

18. —(1) In ionad an diúité chustum a forchuirtear le halt 14 den Acht Airgid, 1934 ( Uimh. 31 de 1934 ), déanfar diúité custum do réir sé pingne an púnt d'éileamh, do ghearradh agus d'íoc ar an té go léir a hiomportálfar isteach i Saorstát Éireann an 16adh lá de Bhealtaine, 1935, no dá éis sin.

(2) Bainfidh forálacha ailt 8 den Finance Act, 1919, leis an diúité forchuirtear leis an alt so ach an abairt “Saorstát Éireann” do chur in ionad na habairte “Great Britain and Ireland” agus fé is dá ndeintí té, go gcuirfear ina luighe ar na Coimisinéirí Ioncuim ina thaobh ná dearnadh aon tsaghas measctha air lasmuich den tír as a dtáinig sé ar dtúis, do chur sa Dara Sceideal a ghabhann leis an Acht san sa liost d'earraí go gcuirtear dhá dtrian den lán-ráta i mbaint leo mar ráta thosaíochta agus go ndéanfaí té do leigint ar lár sa liost d'earraí, sa Dara Sceideal san, go gcuirtear cúig shéú den lán-ráta i mbaint leo amhlaidh.

19. —Déanfar diúité custum do réir sé pingne an céad meáchaint d'éileamh, do ghearradh agus d'íoc ar an gcruithneachtain go léir a hiomportálfar isteach i Saorstát Éireann an 16adh lá de Bhealtaine, 1935, no dá éis sin.

20. —(1) Na diúitéthe custum a forchuirtear le halt 20 den Acht Airgid, 1932 ( Uimh. 20 de 1932 ), déanfar, maidir le tobac a hiomportálfar isteach i Saorstát Éireann, an 16adh lá de Bhealtaine, 1935, no dá éis sin, iad d'éileamh, do ghearradh, agus d'íoc do réir na rátaí uile agus fé seach a luaidhtear i gCuid I den Chúigiú Sceideal a ghabhann leis an Acht so in ionad na rátaí luaidhtear i gCuid I den Tríú Sceideal a ghabhann leis an Acht Airgid, 1932 , adubhradh.

(2) An diúité máil ar thobac a forchuirtear le halt 19 den Acht Airgid, 1934 ( Uimh. 31 de 1934 ), déanfar, an 16adh lá de Bhealtaine, 1935, agus ón lá san amach, é d'éileamh, do ghearradh, agus d'íoc do réir na rátaí uile agus fé seach a luaidhtear i gCuid II agus i gCuid III den Chúigiú Sceideal a ghabhann leis an Acht so in ionad na rátaí luaidhtear sa Séú Sceideal a ghabhann leis an Acht Airgid, 1934 , adubhradh.

(3) Beidh feidm ag fo-ailt (2) go (5) den alt san 19 den Acht Airgid, 1934 , maidir le tobac is ionchurtha fén diúité máil a forchuirtear le fo-alt (1) den alt san do réir ráta luaidhtear i gCuid II no i gCuid III den Chúigiú Sceideal a ghabhann leis an Acht so, agus chun críche na feidhme sin déanfar tagairtí sna fo-ailt sin (2) go (5) den alt san 19 do Chuid I agus do Chuid II fé seach den Séú Sceideal a ghabhann leis an Acht Airgid, 1934 , adubhradh, do léiriú agus beidh éifeacht acu mar thagairtí do Chuid II agus do Chuid III fé seach den Chúigiú Sceideal a ghabhann leis an Acht so.

21. —(1) Déanfar diúité custum (dá ngairmtear san alt so an diúité custum san) do réir ocht bpingne an galún d'éileamh, do ghearradh agus d'íoc ar an íle híodrocarbóin go léir a hiomportálfar isteach i Saorstát Éireann an 1adh lá d'Iúl, 1935, no dá éis sin, agus nách ionchurtha fé dhiúité ar shlí eile.

(2) Déanfar locáiste do réir ocht bpingne an galún do lomháil ar an íle híodrocarbóin go léir a hiomportálfar isteach i Saorstát Éireann an 1adh lá d'Iúl, 1935, no dá éis sin, agus ar a n-éileofar an diúité custum san agus 'na gcuirfear ina luighe ar na Coimisinéirí Ioncuim ina taobh é bheith beartuithe í d'úsáid chun críche seachas chun í dhóghadh in inneall mótar-fheithicle.

(3) Déanfar diúité máil (dá ngairmtear san alt so an diúité máil sin) do réir sé pingne an galún d'éileamh agus do ghearradh ar an íle híodrocarbóin go léir, ar n-a déanamh i Saorstát Éireann agus nách ionchurtha fé dhiúité ar shlí eile, a cuirfear amach an 1adh lá d'Iúl, 1935, no dá éis sin, ar díol no chun a díolta no eile, o áitreabh a déantóra no úsáidfidh an déantóir sin chun aon chríche seachas chun íle híodrocarbóin do dhéanamh no do tháirgeadh agus íocfaidh an déantóir sin an diúité máil sin.

(4) Déanfar locáiste do réir sé pingne an galún do lomháil ar an íle híodrocarbóin go léir (is ionchurtha fén diúité máil sin) ar a mbeidh an diúité máil sin íoctha agus 'na gcuirfear ina luighe ar na Coimisinéirí Ioncuim ina taobh é bheith beartuithe í d'úsáid chun críche seachas chun í dhóghadh in inneall mótar-fheithicle.

(5) Fé réir cólíonadh pé coinníollacha fhorchuirfidh na Coimisinéirí Ioncuim ní déanfar an diúité máil sin d'éileamh ná do ghearradh—

(a) ar aon íle híodrocarbóin go gcuirfear ina luighe ar na Coimisinéirí Ioncuim ina taobh—

(i) go ndearnadh an íle sin do chur amach o áitreabh a déantóra an 1adh lá d'Iúl, 1935, no dá éis sin, agus

(ii) go ndearnadh an diúité máil sin d'íoc alos na híle sin nuair do cuireadh amach amhlaidh í, agus

(iii) go ndearnadh an íle sin do thabhairt thar n-ais dá éis sin chun an áitreibh sin o n-ar cuireadh amach amhlaidh í no isteach in áitreabh eile do bhí ar seilbh ag an déantóir sin, ná

(b) ar aon íle híodrocarbóin a dhéanfaidh duine bhíonn ag gabháil do gheas do dhéanamh agus do dhíol leis an bpuiblíocht chun soillsithe, chun téighte no chun comhachta agus gur mar fho-tháirgeadh i ndéantóireacht an gheasa san a déanfar amhlaidh í.

(6) Eileofar, gearrfar, agus íocfar, an 1adh lá d'Iúl, 1935, agus ón lá san amach, ar cheadúnas a bheidh le tógaint amach in aghaidh na bliana ag gach duine dhíolann no sheachadann in aon áitreabh chun í d'úsáid chun a dóighte in inneall mótar-fheithicle aon íle híodrocarbóin is ionchurtha fén diúité custum san no fén diúité máil sin, diúité máil (dá ngairmtear an diúité ceadúnais sin san alt so) de chúig scillinge, agus má dheineann aon duine den tsórt san an íle sin do dhíol no do sheachadadh amhlaidh in níos mó ná áitreabh amháin, beidh an diúité ceadúnais sin iníoctha ag an duine sin, agus déanfaidh an duine sin an ceadúnas san do thógaint amach, in aghaidh na bliana alos gach áitreibh acu san ar leithligh.

(7) Beidh feidhm agus éifeacht ag na forálacha so leanas maidir leis an diúité ceadúnais sin agus leis an gceadúnas ar a mbeidh an diúité sin iníoctha, sé sin le rá:—

(a) ní dhéanfaidh duine ar bith, an 1adh lá d'Iúl, 1935, ná dá éis sin, aon íle híodrocarbóin is ionchurtha fén diúité custum san no fén diúité máil sin do dhíol ná do sheachadadh in aon áitreabh chun í d'úsáid chun a dóighte in inneall mótar-fheithicle mara mbeidh ceadúnas den tsórt san roimhráite aige alos an áitreibh sin agus mara mbeidh an diúité ceadúnais sin íoctha aige alos an áitreibh sin;

(b) déanfaidh gach sealbhóir ar cheadúnas den tsórt san roimhráite an ceadúnas san do thaisbeáint san áitreabh le n-a mbaineann an ceadúnas san;

(c) duine ar bith is sealbhóir ar cheadúnas den tsórt san roimhráite agus ná deineann de ghnáth íle híodrocarbóin do dhíol le daoine no do chur amach chun daoine cheannuíonn an íle sin chun í d'athdhíol le daoine eile ní choimeádfaidh ná ní dhíolfaidh san áitreabh le n-a mbaineann an ceadúnas san aon íle híodrocarbóin (is ionchurtha fén diúité custum san no fén diúité máil sin agus nách íle bhealála) nár híocadh ceachtar diúité acu san uirthi no gur lomháladh locáiste fén alt so uirthi;

(d) déanfaidh gach sealbhóir ar cheadúnas den tsórt san roimhráite, gach uair a dhíolfaidh no a sheachadfaidh íle híodrocarbóin chun í d'úsáid chun a dóighte in inneall mótar-fheithicle, deimhniú i scríbhinn do sheachadadh do cheannuitheoir no do ghlacadóir na híle sin á dheimhniú go dearnadh an diúité custum san no an diúité máil sin d'íoc ar an íle sin agus ná dearnadh aon locáiste fén alt so do lomháil uirthi.

(8) Ní dhéanfaidh duine ar bith, an 1adh lá d'Iúl, 1935, ná dá éis sin—

(a) aon íle híodrocarbóin (is ionchurtha fén diúité custum san no fén diúité máil sin) nár híocadh ceachtar diúité acu san uirthi no gur lomháladh locáiste fén alt so uirthi d'úsáid chun a dóighte in inneall mótar-fheithicle, ná

(b) aon íle híodrocarbóin (is ionchurtha fén diúité custum san no fén diúité máil sin) do cheannach ná do ghlacadh o dhuine nách sealbhóir ar cheadúnas do tógadh amach fén alt so chun í d'úsáid chun a dóighte in inneall mótar-fheithicle, ná

(c) mótar-fheithicil d'úsáid ar aon bhóthar go mbeidh carbónaire no fearas eile feistithe ar a hinneall atá oiriúnuithe chun aon íle híodrocarbóin seachas íle éadtrom híodrocarbóin mhinearáil do réir bhrí ailt 1 den Acht Airgid (Diúitéthe Custum) (Uimh. 4), 1931 (Uimh. 43 de 1931) , d'úsáid chun a dóighte san inneall san, mara mbeidh an mhótar-fheithicil sin cláruithe leis na Coimisinéirí Ioncuim i pé slí ordóid le rialacháin a dhéanfaid.

(9) Pé uair is deimhin leis na Coimisinéirí Ioncuim aon íle híodrocarbóin is ionchurtha fén diúité custum san do bheith á hiomportáil chun í chur fé oibriú déantóireachta i Saorstát Éireann no chun í d'ionchorparú i Saorstát Éireann le substaintí eile mar tháthchuid de tháirgeadh dhéanta, féadfaidh na Coimisinéirí Ioncuim, fé réir cólíonadh pé coinníollacha is oiriúnach leo d'fhorchur, a cheadú an íle híodrocarbóin sin d'iomportáil gan an diúité sin do bheith íoctha uirthi.

(10) Déanfar ais-tarrac, is có-ionann le méid an diúité máil sin a cuirfear ina luighe ar na Coimisinéirí Ioncuim a híocadh alos na híle híodrocarbóin a bheidh i gceist, do lomháil ar aon íle híodrocarbóin is ionchurtha fén diúité sin d'easportáil as Saorstát Éireann no do chur ar bord luinge no i dtaisce i mbanna-stóras le húsáid mar stóranna luinge no ar aon íle den tsórt san do chur ar bord aon acr-árthaigh le húsáid ar thurus go háit lasmuich de Shaorstát Éireann.

(11) Féadfaidh na Coimisinéirí Ioncuim rialacháin do dhéanamh chun an diúité custum san, an diúité máil sin, agus an diúité ceadúnais sin d'áirithiú agus do bhailiú, agus, go sonnrách, chun tabhairt-amach, ré, agus athnuachaint na gceadúnas ar a mbeidh an diúité ceadúnais sin iníoctha do rialáil agus chun díol agus seachadadh íle híodrocarbóin is ionchurtha fén diúité custum san no fén diúité máil sin do rialú agus aon achtachán a bheidh i bhfeidhm de thurus na huaire maidir le haon diúité máil no diúité custum no maidir le daoine bheidh ar gabháil d'aon trádáil a bheidh de thurus na huaire fé réir dhlí an mháil féadfaidh na Coimisinéirí Ioncuim, leis na rialacháin sin, é do chur i mbaint le gach diúité no le haon diúité acu san agus le díol agus seachadadh na híle híodrocarbóin sin.

(12) Má dheineann duine ar bith éinní (tré ghníomh no tré fhaillí) is sárú ar choinníoll fhorchuirfidh no ar rialachán a dhéanfaidh na Coimisinéirí Ioncuim fén alt so beidh an duine sin ciontach i gcionta fén alt so agus ar a chiontú ann ar an slí achmair dligh fear pionós máil de chúig chéad púnt do chur air agus geallbhruidfear aon earra gur ina taobh do rinneadh an cionta san.

(13) Féadfaidh oifigeach ar bith do sna Coimisinéirí Ioncuim agus ball ar bith den Ghárda Síochána, aon uair an 1adh lá d'Iúl, 1935, no dá éis sin, samplaí do scrúdú agus do thógaint d'aon íle híodrocarbóin a bheidh ar no in aon mhótar-fheithicil chun í d'úsáid chun a dóighte in inneall na feithicle sin, agus féadfaidh an té bheidh i bhfeighil na feithicle sin do cheistiú i dtaobh na híle sin, agus féadfaidh, más íle híodrocarbóin is ionchurtha fén diúité custum san no fén diúité máil sin an íle sin, a éileamh ar an duine sin a chruthú gur híocadh an diúité sin ar an íle sin.

(14) In aon imeachta i gcoinnibh duine ar bith mar gheall ar aon íle híodrocarbóin (is ionchurtha fén diúité custum san no fén diúité máil sin), nár híocadh ceachtar diúité acu san uirthi no gur lomháladh locáiste uirthi fén alt so, do dhíol no do sheachadadh no d'úsáid chun a dóighte in inneall mótar-fheithicle is ar an duine sin a bheidh a chruthú gur híocadh an diúité sin agus nár lomháladh an locáiste sin.

(15) San alt so—

cialluíonn an abairt “mótar-fheithicil” feithicil inneall-ghluaiste bheidh ceaptha, déanta, agus oiriúnach chun í d'úsáid ar bhóithre;

foluíonn an abairt “íle híodrocarbóin” íle phetróleum agus íle ar n-a táirgeadh o ghual, o chloch-ghual, o mhóin, no o aon tsubstaint bhiothamhainigh eile, agus gach híodrocarbón fliuchánach, ach ní fholuíonn sí aon íle is substaint híodrocarbóineach no bhiothamhaineach no aspaltach agus a bhíonn, ar n-a tástáil i slí ordóidh na Coimisinéirí Ioncuim, soladach no leath-sholadach ar teodhacht de sheasca grád Fahrenheit;

léireofar an abairt “dóghadh in inneall mótar-fheithicle” mar abairt fholuíonn dóghadh inmheánach san inneall san agus dóghadh imeachtrach mar abhar teine don inneall san.

22. —Déanfar agus deintear leis seo an tAcht Airgid, 1934 (Uimh. 31 de 1934) , do leasú mar leanas, sé sin le rá:—

(a) déanfar, i bhfo-alt (4) d'alt 9 den Acht san, ná focail agus na figiúirí “roimh an 1adh lá d'Iúl, 1935,” agus na focail agus na figiúirí “roimh an 1adh lá san d'Iúl, 1935,” do scriosadh amach an 1adh lá d'Iúl, 1935, agus ón lá san amach, agus beidh agus tuigfear go raibh éifeacht dá réir sin ag an bhfo-alt san an 1adh lá san d'Iúl, 1935, agus ón lá san amach, agus

(b) déanfar, maidir le hearraí a hiomportálfar isteach i Saorstát Éireann an 16adh lá de Bhealtaine, 1935, no dá éis sin, an Séú Sceideal a ghabhann leis an Acht so do chur san Acht Airgid, 1934 , adubhradh, in ionad an Dara Sceidil a ghabhann leis an Acht san, agus déanfar, maidir le hearraí a hiomportálfar amhlaidh, tagairtí in alt 9 den Acht Airgid, 1934 , adubhradh, don Dara Sceideal san a ghabhann leis an Acht san do léiriú mar thagairtí don Séú Sceideal a ghabhann leis an Acht so, agus beidh éifeacht ag an alt san 9 dá réir sin.

23. —I gcás earra is ionchurtha fén diúité custum a forchuirtear le halt 8 den Acht Airgid, 1926 ( Uimh. 35 de 1926 ), mar a leasuítear san le hachtacháin ina dhiaidh sin—

(a) d'iomportáil isteach i Saorstát Éireann an 1adh lá de Mheitheamh, 1935, no dá éis sin, agus

(b) gur fundúireacht no cumann gurb é a bpríomh-chuspóir, dar leis na Coimisinéirí Ioncuim, cúrsaí saoil daoine dalla d'fheabhsú iomportálfaidh amhlaidh í, agus

(c) go gcuirfear ina luighe ar na Coimisinéirí Ioncuim ina taobh go bhfuil sé beartuithe í bheith á húsáid i Saorstát Éireann ag daoine dalla,

féadfaidh na Coimisinéirí Ioncuim, fé réir cólíonadh pé coinníollacha (más ann dóibh) is oiriúnach leo d'fhorchur, a cheadú an earra san d'iomportáil amhlaidh gan an diúité sin do bheith íoctha uirthi no aon diúité den tsórt san do híocadh uirthi le linn na hiomportála san d'aisíoc.

24. —(1) San alt so cialluíonn an abairt “diúité siamsa” an diúité máil dá ngairmtear “entertainments duty” in alt 1, agus is inéilithe fé alt 1, den Finance (New Duties) Act, 1916, mar a leasuítear san le hachtacháin ina dhiaidh sin.

(2) Ar an 1adh lá de Lúnasa, 1935, agus dá éis sin déanfar diúité siamsa d'éileamh, do ghearradh agus d'íoc do réir na rátaí seo leanas in ionad na rátaí luaidhtear i bhfo-alt (5) d'alt 25 den Acht Airgid, 1932 ( Uimh. 20 de 1932 ), ar gach íocaíocht a híocfar ar dhul isteach go dtí aon tsiamsa gurb é bheidh ann ar fad no nách mór ar fad ná taisbeántas de pheictiúirí reatha no d'éifeachtaí eile radhairc a tugtar amach le cinematograf no le fearas eile dá shamhail, pe'ca bheidh fuaimeanna gutha no eile tugtar amach le meáin mheicniúla ag gabháil leo no ná beidh, sé sin le rá:—

25. —Déanfar agus deintear leis seo fo-alt (3) d'alt 19 (alt a bhaineann le saoirse a dhiúité shiamsa) den Acht Airgid, 1933 (Uimh. 15 de 1933) , do leasú tré sna focail agus na figiúirí “31adh lá de Dheire Fómhair, 1933,” do chur i mír (d) den fho-alt san in ionad na bhfocal agus na bhfigiúirí “1adh lá de Mheitheamh, 1933,” atá anois sa mhír sin, agus léireofar an fo-alt san agus beidh éifeacht aige dá réir sin.

26. —(1) Ní déanfar na diúitéthe uile agus fé seach a luaidhtear sa tríú colún den Seachtú Sceideal a ghabhann leis an Acht so d'éileamh ná do ghearradh ar aon earraí a hiomportálfar isteach i Saorstát Éireann an 16adh lá de Bhealtaine, 1935, no dá éis sin.

(2) Na mion-innste luaidhtear sa cheathrú colún den Seachtú Sceideal a ghabhann leis an Acht so is chun a chur in usacht na diúitéthe uile agus fé seach a luaidhtear sa tríú colún den Sceideal san d'aithint agus chuige sin amháin a cuirtear isteach sa Sceideal san iad, agus dá réir sin ní dhéanfaidh éinní atá sa cheathrú colún san deifir do léiriú an ailt seo ná an dara colúin ná an tríú colúin den Sceideal san ná teorannú ná rialú ar a n-oibriú.

27. —(1) Déanfar agus deintear leis seo gach Acht a luaidhtear ag ceann Coda den Ochtú Sceideal a ghabhann leis an Acht so do leasú mar leanas, sé sin le rá, déanfar gach alt, fo-alt, sceideal, no uimhir thagartha den Acht san no atá san Acht san a luaidhtear sa dara colún den Chuid sin den Ochtú Sceideal san do leasú sa tslí luaidhtear sa tríú colún den Chuid sin den Ochtú Sceideal san os coinne luadh an ailt, an fho-ailt, an sceidil, no na huimhreach tagartha san (pe'ca aca é) sa dara colún san.

(2) Gach leasú deintear leis an alt so in aon Acht tiocfa sé i ngníomh an 16adh lá de Bhealtaine, 1935, agus beidh éifeacht aige maidir leis na hearraí uile a hiomportálfar isteach i Saorstát Éireann an lá san no dá éis.

(3) Na mion-innste luaidhtear sa cheathrú colún den Ochtú Sceideal a ghabhann leis an Acht so is chun a chur in usacht na diúitéthe fé seach d'aithint, dá ndeintear deifir leis na leasuithe uile agus fé seach a deintear leis an alt so, agus chuige sin amháin a cuirtear isteach sa Sceideal san iad, agus dá réir sin ní dhéanfaidh éinní atá sa cheathrú colún san deifir do léiriú an ailt seo ná an Sceidil sin ná ní oibreoidh chun réime ná éifeachta aon leasuithe deintear in aon Acht leis an alt so do leathnú, do theorannú, no do rialú.

28. —(1) Pé uair a heasportálfar amach as Saorstát Éireann earra is ionchurtha ar í d'iomportáil isteach i Saorstát Éireann fé dhiúité chustum ar n-a áireamh do réir luach na hearra, agus a hath-iomportálfar ina dhiaidh sin í isteach i Saorstát Éireann tar éis í do chur fé aon oibriú (pe'ca oibriú deisithe, oibriú déantóireachta breise, no eile é) lasmuich de Shaorstát Ereann, agus a bheadh sí, dá mba ná cuirfí fén oibriú san í amhlaidh saor ón diúité sin ar an ath-iomportáil sin do dhéanamh, ansan agus i ngach cás den tsórt san—

(a) más dóich leis na Coimisinéirí Ioncuim go ndearnadh fuirm no cáilíocht na hearra san d'atharú de mhórán tríd an oibriú san, éileofar, gearrfar agus íocfar an diúité sin ar an earra san ar an ath-iomportáil sin do dhéanamh, agus is ar luach iomlán na hearra san le linn na hath-iomportála san a héileofar, a gearrfar, agus a híocfar amhlaidh é, agus

(b) más dóich leis na Coimisinéirí Ioncuim ná dearnadh fuirm ná cáilíocht na hearra san d'atharú de mhórán tríd an oibriú san, éileofar, gearrfar, agus íocfar an diúité sin ar an earra san ar an ath-iomportáil sin do dhéanamh, ach ní déanfar é d'éileamh, do ghearradh, agus d'íoc amhlaidh ach amháin ar an méid is dóich leis na Coimisinéirí Ioncuim do chuaidh luach na hearra san le linn a heasportála amach as Saorstát Éireann i méid tré n-a cur fén oibriú san.

(2) Nuair a bheidh na Coimisinéirí Ioncuim á dhéanamh amach, chun crícheanna an ailt seo, cadé an méid do méaduíodh luach earra tré n-a cur fé oibriú, féadfaid, más oiriúnach leo é, an méid sin do chinneadh tré fhéachaint don tsuim a cuirfear ina luighe ortha do híocadh chun an obriú san do dhéanamh ar an earra san no ina taobh.

(3) Ní oibreoidh éinní atá san alt so chun aon tsaoirse, o aon diúité áirithe custum, d'athghairm no do shrianadh no chun deifir do dhéanamh dí a bronntar le haon achtachán ar ath-iomportáil do dhéanamh isteach i Saorstát Éireann ar earrai do cuireadh fé oibriú áirithe lasmuich de Shaorstát Éireann agus do heasportáladh amach as Saorstát Éireann chun iad do chur fén oibriú san.

29. —(1) Gach éinne dhéanfaidh, i dtuairisceán do bhéarfa sé uaidh i dtaobh no chun crícheanna aon diúité mháil, aon ráiteas no plé cúise is eol do bheith bréagach no mí-threorach, beidh sé ciontach i gcionta fén alt so agus ar a chiontú ann ar an slí achmair dlighfear pionós máil de chúig céad púnt do chur air no, más rogha leis an gCúirt é, príosúntacht ar feadh aon tearma nách sia ná sé mhí.

(2) I gcás ina ndéarfar go ndearna duine, i dtuairisceán i dtaobh no chun crícheanna diúité mháil, ráiteas no plé cúise go bhfuil a dhéanamh ina chionta fén alt so agus fós ina chionta fé achtacháin eile bhaineann go sonnrách le tuairisceáin i dtaobh no chun crícheanna an diúité mháil sin, féadfar an duine sin do chúiseamh agus, má ciontuítear é, féadfar é do phionósú fén alt so no fén achtachán eile sin ach ní féadfar é do chúiseamh ná do phionósú fén alt so agus fén achtachán eile sin.