An Chéad Lch. Lch. Roimhe Seo (CUIGIU SCEIDEAL. DIUITETHE AR THOBAC.) Ar Aghaidh (SEACHTU SCEIDEAL. DEIREADH DO CHUR LE DIUITETHE AIRITHE CUSTUM.)

28 1935

ACHT AIRGID, 1935

SEU SCEIDEAL.

DIUIT AR BHROGA AGUS AR BHROGA ISLE.

Uimh. Thag.

An Saghas Earra is Ionchurtha fé Dhiúité

Ráta an Diúité

1

Bróga agus bróga ísle go mbeidh a n-uachtair déanta ar fad no nách mór ar fad de leathar agus de chroiceann, no de cheachtar acu san, ach gan áireamh do dhéanamh ar bhróga bheidh déanta ar fad no nách mór ar fad de chúitsiúc, d'abhar do rinneadh díonach le cúitsiúc, d'abhar do clúduíodh le cúitsiúc no de dhá abhar no níos mó acu san le chéile.

Méid is có-ionann le triocha per cent. de luach na hearra.

2

Buinn chumtha, sála cumtha, uachtair chumtha, agus páirteanna cumtha de bhuinn, de shála, no d'uachtair agus iad déanta ar fad no nách mór ar fad de leathar agus de chroiceann no de cheachtar acu san.

Méid is có-ionann le triocha per cent. de luach na hearra.

3

Bróga agus bróga ísle ná beidh a n-uachtair déanta ar fad no nách mór ar fad de leathar agus de chroiceann ná de cheachtar acu san, ach gan áireamh do dhéanamh ar bhróga bheidh déanta ar fad no nách mór ar fad de chúitsiúc, d'abhar do rinneadh díonach le cúitsiúc, d'abhar de clúduíodh le cúitsiúc no de dhá abhar no níos mó acu san le chéile ná fós ar bhróga ísle go mbeidh a mbuinn déanta ar fad no go leathrannach de chúitsiúc no d'abhar is dóich leis na Coimisinéirí Ioncuim is cúitsiúc saordha no bréige no is abhar ina bhfuil cúitsiúc mar tháthchuid.

Méid is có-ionann le fiche per cent. de luach na hearra.

4

Buinn chumtha, sála cumtha, uachtair chumtha, agus páirteanna cumtha de bhuinn, de shála, no d'uachtair, ná beidh déanta ar fad no nách mór ar fad de leathar agus de chroiceann ná de cheachtar acu san.

Méid is có-ionann le fiche per cent. de luach na hearra.

5

Bróga bheidh déanta ar fad no nách mór ar fad de chúitsiúc, d'abhar do rinneadh díonach le cúitsiúc, d'abhar do clúduíodh le cúitsiúc no de dhá abhar no níos mó acu san le chéile.

Pé ráta acu so leanas a bhaineann leis an gcás, sé sin le rá:—

(a) más mó ná naoi n-órlach mór-fhaid na bróige o sháil go rinn lasmuich—dhá scilling an bhróg:

(b) maran mó ná naoi n-órlach an mhórfhaid sin—naoi bpingne an bhróg.

6

Bróga ísle go mbeidh a mbuinn déanta ar fad no nách mór ar fad de chúitsiúc no d'abhar is dóich leis na Coimisinéirí Ioncuim is cúitsiúc saordha no bréige no is abhar ina bhfuil cúitsiúc mar tháthchuid, agus ná beidh a n-uachtair déanta ar fad no nách mór ar fad de leathar agus de chroiceann no de cheachtar acu san.

Sé pingne an bhróg íseal.