Ar Aghaidh (CUID I. Geim do Chosaint agus do Chaomhna.)

11 1930

[EN]

Uimhir 11 de 1930.

[EN]

ACHT CHUN GÉIM DO CHOSAINT, 1930.

ACHT CHUN SOCRÚ NÍOS FEARR DO DHÉANAMH CHUN GÉIM DO CHOSAINT AGUS CHUIGE SIN SOCRÚ DO DHÉANAMH CHUN DEIGHLEÁLAITHE I nGÉIM DO CHUR FÉ RIAIL AGUS CHUN NITHE EILE BHAINEANN NO CHABHRUÍONN LE GÉIM DO CHOSAINT. [27adh Bealtaine, 1930.]

ACHTUIGHEADH OIREACHTAS SHAORSTáIT ÉIREANN MAR LEANAS:—

ROIMHRAITEACH.

[EN]

Gearr-theideal.

1. —(1) Féadfar an tAcht chun Géim do Chosaint, 1930 , do ghairm den Acht so.

[EN]

(2) Tiocfaidh an tAcht so i ngníomh an 1adh lá de Bhealtaine, 1930.

[EN]

Mínithe.

2. —San Acht so—

[EN]

cialluíonn agus foluíonn an abairt “éanacha géim” piasúin, paitriscí, cearca fraoigh, gearra guirt, traonaí, pilbíní, naoscaigh, agus creabhair agus fós malláird, pras-lachain, lachain rua, agus cineail eile lachan bhfiadhain, géanna dubha, géanna giughrainn no cineail eile géanna fiadhaine;

[EN]

foluíonn an focal “girrfhithe” pisíní girrfhé;

[EN]

foluíonn an focal “géim” éanacha géim agus girrfhithe;

[EN]

cialluíonn an abairt “an tAire” an tAire Dlí agus Cirt;

[EN]

cialluíonn an focal “orduithe” orduithe le rialacháin a dhéanfaidh an tAire fén Acht so.